Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
brugis & Laxfiskend paa Kongen uegne h. e. In Findmarkia locus, ubi
Regio nomine Salmones capiuntur. Non aliam intelligere terram per
Findmarkiam, quam Lappiam cæteris dictam, vel Lapponiam,
intelliget quilibet, qui caput illud totum volet consulere. Indicatque
ipse, quando in ipsius fine plura se propositurum ait, vdi Laplandis
beskrifvvelse, h. e. in descriptione Lapplandiæ. Ac de Findmarkiæ
appellatione quidem postea nonnihil tradam: De Lapponiæ vero,
aut Lappiæ vocabulo nunc agere aggrediar. Id qua ratione ita
dictum fuerit, non satis certum est, vel exploratum inter eruditos.
Zieglerus putat factum a Germanis, quod in Lappia sint homines
Lappi, hoc est inepti & insulsi. Lapponia, dicit in libello peculiari de
Regionibus Septentrionalibus, dicta est a populo, quo habitatur.
Vocant vero Germani Lappones eos, qui parum idonea rei præsenti dicunt,
& faciunt. Sed qui possit ita dicta esse a Germanis, quibus serò
admodum innotuit? Nemo certe ex vetustioribus, qui Germaniam
aut res Germanicas consignavere, ullam Lappiæ aut Lapponiæ fecit
mentionem. Deinde nec Germanis solis ita dicitur, sed & Suecis &
Finnonibus, quorum linguæ non modo a Germanica, sed & inter
sese differunt plurimum. Ipsi ad postremum Russi aut Moschovii sic
nominant, qui utuntur lingua ab his omnibus diversa. Non potest
vocabulum a Germanis, gente longius dissita, ipsi impositum
transiisse in linguas, tot & tam diversas gentium magis vicinarum, cum
præsertim Germani cum his nulla, vel exigua quondam colerent
commercia. Sed nec gens Lapponiæ usque adeo inepta insulsaque
est, quod Zieglerus ipse agnoscit, quando mox de illa in libello
eodem: Pars artificia exercent, pingunt acu ad delicias, & faciunt vestes
intextas auro & argento. Itaque non potest hæc consistere sententia
ipsius. Neque tamen assentiri ausim Wexionio, quando nomen
Lappiæ censet esse Sueticæ originis, quippe incolas ipsius ita esse
dictas, quoniam utantur pellibus. Certè Lapper & Skinlapper apud
Suecos, unde Lappos, & eorum regionem Lappiam, velut pellitorum
terram putat nuncupatam, nunquam pelles denotant, sed pellium
vestiumve pannos, Græcis ράκος; qui non parum differunt a
pellibus. Unde Olaus Petri Niurenius, qui de Lapplandia temporibus
<< prev. page << föreg. sida << >> nästa sida >> next page >>
