Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Gustavi Adolphi scripsit, potius ex eo nomen ipsorum derivat,
quod laceri pannosique quotannis excurrerent in Sueciam.
Verba ejus suntin c. 1. Ex ea regione magna mendicorum copia in
vicinas Septentrionis provincias quotannis & olim irrumpens, sese in
conspectum ruricolarum projecit, qui cum omnes laceris & fractis visebantur
vestibus, à plebe Suecica Suecum nomen, nempe Lapp, sunt merito sortiti.
Quanquam nec excurrant Lappones tam frequentes, nec sint tam
pannosi, ut præ aliis hoc nomen eis potuerit imponi; Finnonibus
puta, & similibus. Sed nec pelliti semper Lappi, ut videtur velle
Wexionius, verum contra frequentius amicti vestibus ex lana, ut ostendam
in sequentibus. Grotius putabat Lappos dictos a currendo.
Verba ejus sunt in Indice Nominum propriorum apud Procopium &
Scriptores Gothicos: Lappi, Loppi, Lupiones, in Tabula
Peutingeriana. Cursores gens est cursu valida. Sed nec hoc probare possum,
cum vocabulum, quod cursum notat, unico scribatur per, quod
gentem duplici. Læpa enim apud Succos currere, pro quo Germani
duriore sono lauffen, Lapp autem Lappus. Præterea nec Lappi
currunt simpliciter, sed in nivibus & glacie, certis ad id factis calceis
insistentes, sineque cursu, ipsa lubricitate celerrime se protrudunt.
Alii existimant, non regionem ab incolis, sed incolas a regione ita
dictos. Quomodo & Norvagi, & Esthones, & alii non pauci sic a
regione appellati. Videturque hoc juvari eo, quoniam qui Lappi
aliis, incolæ regionis, lappomanni sunt Olao Magno, sicut
nominantur & Nordmanni, & Westmanni, & Sudermanni. Quibus in vocabulis
cum illud manni signet viros, regiones istas habitantes, Lappomanni
quoque credi possunt sic vocati, quod sint quasi viri, hoc est,
incolæ, habitatoresve Lappiæ. Regionem vero Lappiam sic putant
dictam proptet situm, quod sit ultima extremave portio
Scandinaviæ, illique velut pannus & appendix aliquis adhæreat. Quin imo
existunt, qui τὸ Lappu, Finnonicum affirmant esse, ac significare
extimum vel extremum, Lappiamque appellatam, quod extrema
sit in sinu Bothnico. Joh. Tornæus: Lykare ær dett, att the skole
nämbde vvare af dett Finska ordet lappu, dett ær, ett slut, eller een
ænda uppao nagot. lyka som desse vvore ændan, slutet eller dhe aldrayttersta
<< prev. page << föreg. sida << >> nästa sida >> next page >>
