- Project Runeberg -  Joannis Schefferi Argentoratensis Lapponia id est, Regionis Lapponum et gentis nova et verissima descriptio /
7

(1673) Author: Johannes Schefferus
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

Peutingeriana hæc leguntur verba: Lupiones Sarmatæ.
Venadi Sarmatæ. Bastarni.
Ex his Bastarnos a Ponto
quondam usque ad Vissulæ fontem coluisse, hisque conterminos fuisse
Venedos & Venedicum sinum, & his porro Finnos infra docebo. Vnde
apparet,
Lupiones istos nullos alios esse, quam qui hodieque Finnis
contermini, Russis dicuntur Loppi, Suecis, Danis, ac Norvagis Lapper
cæteris Germanis Lappen
. Autor hujus tabulæ vixisse creditur saltem
ante tempora Theodosiana, id est annis sexcentis amplius ante
Adamum Bremensem. Qui ergo possit fieri, ut Lapporum Lappiæque
ipse habuerit notitiam, peregrinus licet, longissimeque ab his oris
constitutus, nec Geographiæ usque adeo peritus, quod Welserus
pridem docuit; Adamus Bremensis, tanto vicinior, & qui regiones
hasce cognovit ab eis, qui in illis ipsis sunt versati, non habuerit?
Adde quod Lupiones in tabula Peutingeriana Sarmatæ vocentur, Lappi
vero nil commune habeant cum Sarmatis. Sed nec quisquam est
Scriptorum veterum, qui venisse Sarmatas in Septentrionem
testetur. Itaque Lupiones in ista tabula sunt quivis potius, quam
Lappi, cum Laporum Lappiæque nomen eo tempore, quo Auctor ejus
vixit, ne scriptoribus quidem Gothicis, Norvagicis, aut Danicis, hoc
est, iis ex gentibus oriundis, quarum Lappi vel vicini, vel subditi
fuere, innotuerint. Primus qui Lapponiæ seu Lappiæ fecisse
mentionem videtur, Saxo est Grammaticus. Is enim ita habet lib. V.
Danicæ Historiæ: Provincias Iarnberorum & Iamptorum, cum utraq;
Lappia
. Item post: Præterea Helsingiam ei cum utraque Lappia
contribuit
. Vixit Saxo, Historiamque suam scripsit circa annum Christi
M CXC. atque sic Adamum, qui floruit circa annum Christi
M LXXVII. annis centū circiter & tredecim est secutus. Quo
proinde intervallo primum Lappiæ vocabulum cœpisse usurpari,
necesse fuerit. Nam quod Saxo eam commemorat jam diu ante, ac
temporibus Frothonis Tertii, Alrico Regi apud Suecos æqualis,
quem non multo quidem, ante Christum tamen nostri volunt
floruisse, fit non eo, quasi tum exstiterit Lapponia sic nominata, sed
quod postea sic dicta fuerit, ætateque ejus dici consueverit regio
terraque, cujus ibi fecit mentionem. Manet enim mihi certum, si

<< prev. page << föreg. sida <<     >> nästa sida >> next page >>


Project Runeberg, Mon Dec 11 19:51:46 2023 (aronsson) (diff) (history) (download) << Previous Next >>
https://runeberg.org/sjlapponia/0031.html

Valid HTML 4.0! All our files are DRM-free