Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
istas memorat regiones. Olaus Magnus collocat supra Bothniam
occidentalem, ut ex tabula ipsius liquet, ac vicinas ei
Scrikfinniam & Biarmiam. Sub hac litera, inquit in expositione literæ C. tres
insignes regiones reperiuntur, Scrikfinnia, Biarmia, & Lapponia. Et
Scrikfinniam quidem locat ultimum, Septentrionem versus,
Biarmiam ponit versus orientem, infra has, & occidentem versus magis
constituit Lapponiam. Atque sic Johannes, frater ejus, in
præfatione operis Historici. Habet Suecia à Septentrione Biarmiam
suppolarem regionem, quæ in ulteriorem & citeriorem dividitur, habuitque
olim, ut Saxo testatur, regni titulum. Ad cujus Orientale latus est
vastissima Scrikfinnia, de qua Procopius multa fabulatur. Deinde versus
Austrum utraque Lappia conjungitur. Verum sunt, qui putant
Scrikfinniam essc nullam. Buræus in descriptione Sueciæ: Scrickfinnia, quam
Saxo Sialandicus, aliique veteres hic uspiam posuerunt, nulla est. Ac
profecto nulla hodie in istis oris, hoc vocabulo notata. Nec tamen
Iemerè contempserim, quod tot viri docti, ac præsertim Saxo,
rerum Septentrionalium non profecto imperitus, tam consentienti
calamo prodidere. Adde quod non nude nominent, sed describant,
incolarum ostendant ingenia, mores, & habitus, addant constitutionem
Reipublicæ, res postremo enumerent. Quanquam pro
Scrikfinnis, aut Scricfinnis, quod occurrit apud Johannem & Olaum
Magnos, Scritofinni videatur legendum. Nam quod de Skidfinnis
suspicatur Andreas Buræus, eo minus potest placere, quod in hoc
vocabulo R. litteram agnoscent omnes veteres, tametsi non
conveniat in cæteris. Jornandi quippe sunt Scretefennæ, Paulo
Warnefridi Diacono, Scritobini, permutatione f in b. de qua cum aliis
hujusmodi peculiari aliquando agam opere, Adamo Bremensi Scritefinni.
Nec recedunt Græci, quorum scriptura facit, ut non audeamus
dubitare de Latina. Procopius profecto nunc Σκριθιφίκος, nunc
Σκριθιφίνος vocitat. Præterea res ipsa arguit, quando Scritefinni non
sunt, nisi Finni, qui à saliendo juxta linguam barbaram Etymologiam
ducunt, uti auctor ipse Paulus Warnefridus. Saltibus enim utentes
inquit, arte quadam ligno incurvo ad arcus similitudinem feras
assequuntur. Non ergo nomen acceperunt à Skidh, soleis illis ligneis,
<< prev. page << föreg. sida << >> nästa sida >> next page >>
