Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Scritfinniam & Biarmiam collocarunt, à Lapponia diversas. Sed
& Damianus Goës procedere ait ad ignotas regiones, qui quæcunque
de Lapponia scivit, didicisse omnia ex Johanne & Olao, quibuscum
familiariter versatus est, videtur. Ita namque habet in Hispania
sua: Lappia mari Bothnico interjecto, in orientalem & occidentalem
dividitur, cujus æquoris extremum Tornia est. Ab Oriente Lacum
album tangit, ad Septentrionem varias provincias amplectens,ad
incognitum se extendit. Dicit ad incognitum quia quodnam genus hominum
in ulterioribus regionibus Septentrionem ac Oceanum versus
degeret, ignoravit. Et præter Scritfinnos veteres ibi collocarunt
Cynocephalos, Busios, Trogloditas, Pygmæos, Cyclopas, &
nonnullos alios, ut de Himantopodibus nunc taceam, de quibus dixi in
antecedentibus. At vero hodie est nemo, qui id spatium omne
dubitet occupatum à Lapponibus. Neque invenerunt alios, quam
Lappones, qui terras illas circumnavigarunt, ut ex Periplis &
Itinerariis recentioribus est notum. Confirmatque Petrus Claudi cap.
27. Descript. Noru. Alt langst ved Siækanten, inquit, nord till
Findmarken oc œster om igen, hafvve Siœfinnarne besatt alle Iorde. Hoc
est Finnones maritimi (sic Lapponum partem vocat, ut & supra
monui, & amplius ostendam in sequentibus) omnia maris littora tenent
occupata versus Septentrionem, atq́; deinde versus Orientem.
Denique hoc ipsum tradidere, qui authoritate publica missi ad rem
omnem explorandam Anno M. DC. Carolus enim Rex, cupidus
noscendi habitum totius Lapponiæ, ablegavit eo quendam
Aronem Forsium, cum Hieronymo Birckholten, qui negotium hoc
expedirent, Niurenius c. 3. Carolus IX. Sueciæ Rex excelsæ memoriæ,
Zelo veritatis commotus, variis temporibus duos insignes
Mathematicos M. Aronem Forsium Suecum, Professorem, & Hieronymum
Birkholten, Germanum, cum idoneis instrumentis & comeatu ad lustrandam
Lappiam & terram continentem ultimam Scandiæ ablegavit. Ii
feliciter iter absolverunt & extra gradum elevationis poli 73. nullam
continentem ad Septentrionem, sed Oceanum glacialem immensum esse
renunciarunt, ultimumq; continentis promontorium penes Oceanum esse
Norkum (rectius, Norkap) nonprocul à castello Wardhus. Sed de
<< prev. page << föreg. sida << >> nästa sida >> next page >>
