Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
inthe heller vværman fœrsvvinna kan, uthan vvarar æfvven sao am
natten, som om dagen. Hoc est; Tempore æstivo, quando Sol ingreditur
cancrum, calor ingens exoritur, cujus sine dubio causa est ex eo, quia
Sol nunquam occidit, sed tota nocte lucet clarissime, atq; ita ne calor
quidem cessare potest, verum durat aque tempore nocturno, sicuti diurno.
Unicum caloris ejus est temperamentum ex vaporibus surgentibus
è vicino mari, & nivibus qui æstate, sicut hyeme jacent in recessibus
& sinubus montium, ut ille ipse Tornæus testatur. Veris & autumni
spatia ibi ignorantur diebus paucissimis à frigoribus hybernis, distat
calor æstatis, ut sit imperitis loco miraculi, videre late virentia, ubi
ante hebdomadem unam alteramve glacie ac nivibus contecta
erant omnia. Samuel Rheen: Emellan desse fiæll æro dahlar, i
hvvilka vvæxer mykit gras oc œrter, som hasteligen i nogra vvekor
oprinna. Hoc est; Inter hosce montes sunt valles, in quibus magna
graminis & herbarum copia, quæ paucissimarum spatio hebidomadum
pronascitur. Est inprimis memorabile; ac notandum, quod hac de re
habet Olaus Petri Niurenius per propriam experientiam c. 9.
Verba ejus hæc sunt: Anno M.DC.XVI. accessi parœciam & templum
Torno d. 24. Iunii, tumprimum vidi arbores germina emittere &
gramina è terra suos ostendere aculeos. Elapso deinde mensis semisse,
herbarum flores & arborum folia ad suam pervenisse vidi naturalem
quantitatem naturamq́; quasi brevis æstatis præsciam ita festinasse, ut si illud
alius quispiam mihi narrasset, vix ei fidem abhibuissem. Terra non
pinguis quidem, sed nec macra omnino, verum mediæ propemodum
conditionis. Interim silicibus est mixta interstrataque
habetque passim saxa rupesque eminentes, quarum asperitate atque
inæqualitate cætera quoque corrumpuntur. Nominatus sæpe
Samuel Rheen: Lapland ær mehrendels ett ganska, stenogt land, med
bærgh och dahlar. Hoc est; Lapponia regio est ubiq; fere lapidosa,
montibusq; frequens & vallibus. Johannes Tornæus: Lappland
ær mæchta bærgachtig, ojæmpt, och faseligit. Hoc est: Lapponia
valde montuosa est, inæqualis & horrida. Solum locis plurimis
uliginosum, molle, ac vestigiis cædens, propter paludum, fluminum,
& rivorum copiam incredibilem. Itaque nec ibi spatia sat idonea
<< prev. page << föreg. sida << >> nästa sida >> next page >>
