Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
migrationes in Lapponiam fecisse. Arguitque illud ipsum ductoris
eorum vocabulum non unum idemque, sed diversum, quando alii
Tins Kogre vocant, alii Mieschogiesche. Prima vetustissimaque
videtur illa, quæ Biarmis sive Biarmensibus initia originemque
dedit. Nam Biarmos esse Finnones respectu suorum majorum
colligo, quia deos habuere Finnonicis vocabulis insignitos, quia
ingenio moribusque cum Finnonibus antiquis plane congruerunt,
quia peregrinis omnibus Skridfinni dicti sunt, hoc est, Finni super
congelatas nives decurrentes, quales solos sine Biarmis cognoverunt
veteres, atque adeo pro Biarmis nominarunt. Nempe
Finnis dicti sunt Biarmi, quod in loca concessissent montuosa.
Probe enim, quod Buræus ait, Biarmiæ nomen tortum videri à Finnonico
Varama, quod montuosam regionem significat. At peregrini
quoniam didicissent, eos soleis ligneis decurrere per nives, idque
nominari populis Septentrionis, Suecis inquam, & vicinis, unde id de
Finnis illis Biarmensibus didicerant, att skriida, ideo pro
Biarmis, quod ignotum eis fuit vocabulum, Skriidfinnos appellarunt.
Atque quoniam originis ejusdem Finnones & Biarmi hinc non
raro & iisdem paruere Regibus, quod exemplo constat Cusonis,
qui Finnoniæ Biarmiæque juxta tenuit imperium Holteri Regis
ætate, uti ex Saxone novimus. Quæ vero causa fuerit migrationis
hujus, nobis non est promptum dicere. Nisi credimus id factum
metu Suecorum, qui jam Agni Regis temporibus ingenti
clade Finnones affecerant. Sic enim Sturlesonius in vita Agni: Han
drogh till Finland, och stridde met Froste Findernas Konge och stog
honom med naogot af sitt folck, och rofuade ryda ut hi Finland, och fick stort
byte. Hoc est; Expeditionem bellicam suscipiebat in Finlandiam,
ubi prælium committebat cum Froste rege Finnorum, quem superabat
acie cum magna multitudine popularium ipsius & vastabat longe lateque
Finlandiam, ex qua prædam faciebat ingentem. Veniamus ad
migrationem secundam. Eam vero suspicamur factam, cum ad
Ladoga lacum usque Russi inciperent arma & imperium suum
proferre. Vix enim est dubium, quin metu crudelitatis inusitatæ,
qua omnibus temporibus grassati Russi sunt, patriam reliquerint
<< prev. page << föreg. sida << >> nästa sida >> next page >>
