Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
vero consideranda religio ipsius videtur, non modo qualis nunc est,
sed & qualis fuit, antequam religionem Christianam cœpit audire.
Fuerunt enim Lappones, aut saltem aliqui Lapponiæ nunc dictæ
coloni, ante introductam in his oris Christianam pietatem, quales
dicti Finni, Lappofinni, Scridefinni, vel Biarmi, uti liquet ex
superioribus. Sed & ipsi Lappones proprie sic dicti sero admodum
religionem Christianam admiserunt. Ut non sine causa quæramus, quæ
tum fuerit religio ipsorum. Primum autem dubium vix potest
esse, quin extiterint pagani Ethnicique. Tales quippe omnes alii
Septentrionis populi tum fuere. At cum etiam pagani non
eandem omnes observent religionem, qualis tandem fuerit illa
Lapponum, quæri potest. Credo autem vix diversam potuisse habere à
religione Finnonum, cum ex ipsis fuerint oriundi, atque ita sine
dubio acceperint & religionem. At quæ ista vetus Finnonum
extiterit religio, valde in obscuro est, cum nulla sint in promptu
monumenta, quibus res illius gentis veteres explicentur. Ita ergo
aliunde conjectura facienda nobis, ut ex Biarmis veteribus & Skridfinnis,
item reliquiis, quæ hodieque durant in Finnonibus Lapponibusque.
Nam Biarmos esse antiquissimam Finnorum in Lapponiæ regionem,
ut nunc dicitur, coloniam, jam in superioribus monstravimus.
Habuerunt autem illi hoc præcipuum, quantum ex antiquis
monumentis novimus, ut Deum quendam colerent, quem Iumala
vocabant. Ita manifesta historia S. Olai Regis Norvagiæ. I gardenom
stauder god Biarma, er heiter Iumala. Hoc est: In arca stat Deus
Biarmensium, qui vocatur Iumala. Similia de Biarmensibus habentur
in historia Herrodi c. 7. ubi de ipsorum templo quodam: her
er gofg ad god, thed er Iomala heiter. Hoc est: In eo celebris est Deus,
qui dicitur Iomala. Liquet autem ex his verbis, vocem Iumala seu
Iomala fuisse aliam, quam receptam usitatamque his, qui historias
istas descripserunt; nam adducunt tanquam singularem, atque
Biarmensibus, non sibi quoque cognitamm. Qui cum Gothi veteres,
aut Norvagi, vel Islandi fuerint, non veterum Gothorum ea vox
necesse est ut sit, sed alterius alicujus gentis. Cujus autem, nisi ejus,
apud quam & hodie in usu est, id est, Finnicæ, aut Finnonicæ.
<< prev. page << föreg. sida << >> nästa sida >> next page >>
