Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
religione, quam observant hodieque, agetur. Itaque vix aliud hoc
1oco occurrit annotandum, quam quod de Jumala legimus. Is
primum repræsentabatur simulacro quodam, cujus species
virilis, sedens in ara, cum corona in capite, ac in ea gemmis
duodecim, item torque aurco in collo. Verba hac de re leguntur
veteris Auctoris in historia Herrodi c. 7. Their komu ad
stalle theim, sem Iomali sat a. Af honum toku their Koronu med XII.
gimsternum sette, oc men thad, sem kastadi thriu hundrud markur
gulls. Hoc est: Tum veniebant ad aram sive sellam, cui
insidebat Iomala. Et detrahebant coronam, lapidibus pretiosis
duodecim distinctam, item torquem, cujus pretium erant marcæ
auri trecentæ. In historia S. Olai pariter videtur fieri mentio
torquis, ubi verba hæc leguntur. Sidan rann Carli at Iumalum: han
sa, at digurt men it var a halsi hanæum. Carli riedi till auxina,
oc hic i sunder tygil, er vvar aptan a halsinom, oc menit
var fest vid. Hoc est: Deinde accurrebat Carolus ad Iumala,
videbat enim crassam torquem in collo ejus. Et sublata securi,
lorum dissecabat ictu, quo religata erat ad collum, & firmata
torques. Ita reddunt locum istum. Sedan men sit torques, potest
dubitari. Forte rectius reddideris per monile. Scilicet &
torques, & monile collo solent injici circumdarique, sicut pridem
demonstravi in opusculo de Torquibus. Non ita men, quippe
quod suspenditur à collo tantum, idque interventu lori, sicut
hic videmus. Inde ut demeretur, lorum prius erat disse candum
securi, quod necesse non fuisset, si fuisset torques.
Quare magis censeo fuisse bullam auream, cælatam arte multa &
distinctam gemmis. Unde forsan & illius pretium, non pondus
memoratur in historia Herrodi, contra quam consuevit fieri in torquibus.
Bulla illa, ut existimo, revincta loro ad collum, propendebat in
pectus simulacri, sive Jumalæ, ut solebat quoque alias, quod in
opusculo prædicto demonstravimus, & fit hodieque, quando varia
id genus ex auro revinciri tænia fasciaque ad collum videmus.
Atque ita Wormius in Lexico: Men, rotundum aurum ex monili
suspensum, à mane, hoc est, luna cujus rotunditatem effigiat.
<< prev. page << föreg. sida << >> nästa sida >> next page >>
