Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Senatorem, Generalem Gubernatorem Livoniæ, Ingriæ, &
Careliæ, nobis delectum, prælustrem Dn. Iohannem Skytte L. B. in
Duderhoff &c. Directorem scholæ Lapponicæ in Vma instituenda: Sicut
se ipsum huic operi administrando obtulit, seq; hanc effecturum operam,
quantum divina benedictio dederit successus, recepit. Hæc directio
hujus schola erit in familia Skyttiana perpetua. Vi autem quid certi
habeant tum præceptor, tum discentes hujus scholæ, unde vivant, donamus
huic scholæ totam summam decimarum, quam parochiani in granarium
Vmense quotannis inferunt, postquam ordinaria subtractio de allatis
decimis fuerit facta. Has decimas segetum, cum aliis donariis,
quæ bene nominatus Dn. Iohannes Skytte sua diligentia ac industria in
hunc usum acquirere potest, disponet ipse in usum scholæ ad necessariam
ejus sustentationem, pro ut neessitas requirit, tamen servat a nobis,
Corona, & Successoribus suprema hujus ordinatione, ac futura
necessaria dispositione. In rei confirmationem, subscribimus nostram
manum, & sigillum Regium imprimi curamus. Datum in veteri
Stetino Pomeraniæ 20. Iunii Anno Christi MDCXXXI. Hoc
diploma illud, quo nova instituitur in ipsa Lapponica Schola, & quidem
in Lapponia seu Marchia Umensi. Nullam enim ibi antea fuisse
liquet, quia dicitur INSTITUENDA. Quæ Schola hoc
etiam peculiare habuit ante illam veterem, quod daretur ei
Director non Pastor, sed Senator Regni, atque adeo auctoritate
firmaretur ampliori. Deinde quod docentibus discentibusque ibi
constitueretur non modo stipendium certum, sed & medium,
unde sumeretur, decimæ videlicet Umenses. Habuerunt
quidem antea quoque constitutum quid hujusmodi, ut patet ex
superioribus, sed quia unde sumeretur, non erat definitum, ideo
non raro mora, neque sequebatur solutio, quo necesse erat,
tempore. Unde difficultas non exigua, & negocii suscepti
interruptio. Huic malo allatum nunc remedium, constitutumque, ut
quid CERTI haberent. Quod quum ne ipsum quidem videretur
sufficere, concessum simul Illustri Domino Johanni Schytte,
ut si quæ posset alia invenire media huc conducentia, conferendi
ea jus & fas haberet. Neque destitit vir summus pro singulari sua
<< prev. page << föreg. sida << >> nästa sida >> next page >>
