Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
erga Deum pietate, ac amore erga bonas litteras, impendere omnem
operam, qua deniq; conquisivit quinq; millia thalerorum monetæ
argenteæ, id est, supra tria millia nummorum uncialium seu imperialium,
partim ex sua propria, partim ex amicorum liberalitate, quam
summam in usus Cuprifodinæ obtulit Reginæ Christinæ, ut pro
usura ejus Schola Umensis reciperet quotannis, quicquid è villis
aliquibus in parœcia Umensi pervenire redituum ad Coronam soleret.
Neq; distulit Regina optima beneficentissimaq; precibus ipsius istoc
indulgere, datis biennio post litteris novoq; diplomate, per Tutores
Regni, quorum sine prædicatione com̄emoratio hic non est
omittenda. Verba diplomatis illius similiter apponam, quia non sunt nota
omnibus. Nos Christina D. G. Suecorum, Gothorum, Vandalorum Electa
Regina & Princeps hæreditaria, Magna Princeps Finlandiæ, Princeps
Esthoniæ & Careliæ, Domina Ingriæ, significamus, quemadmodum Celsiss.
Rex olim Sueciæ Pater noster dilectiss. singulari amore pietatis, &
religioso affectu promovenda Ecclesiæ Dei, prasertim ut converterentur
barbari in extrema Septentrionis ora videntes ad plenam Dei cognitionem
verumq; Christianismum ordinaverit institutionem Scholae Lapponicæ in
Marchia Vmensi, & Directorem ejus operis fecerit Nostrum Regnique
Sueciæ fidelem Senatorem, Præsidem Iudicii Regii in Gothia Iune copiæ
instituti, Cancellarium Academiæ Vpsaliensis & Legiferum citerioris
Finlandiæ, nobis dilectum prælustrem Dominum Iohannem Skytte, L.B.
in Duderhoff, Dominum in Grœnsia, Strœmsrum, & Skytteholm,
Equitem Auratim, post cujus obitum concesserit ejus posteritati directionis
ejusdem Schola porestatem, clementer additis illi exercitio decimis de
granario Vmensi quotannis Corona debitis. Quare Nos potestate
harum litterarum non solum confirmamus salutarem constitutionem,
Nosiri pie demortui Parentis, sed simul notum facimus, Prælustrem
Dominum Iohannem Skytte comportasse in usum Scholae Lapponicæ pecuniam
de sua & aliorum piorum donatione collectam quinque millium thalerorum
monetæ argenteæ, quam integram numeravit Compagniæ Cupreæ
rogans humilime, ut ea summa in illa compagnia Nobis & Coronæ
reservetur, nosque pro usura hujus pecuniæ quotannis, octo pro cento reddenda,
demus Scholæ Lapponicæ usum villarum in Norlandia, ut coloni illarum,
<< prev. page << föreg. sida << >> nästa sida >> next page >>
