Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
CAP. IX
De Reliquiis nonnullis paganismi
apud Lapponas hoc tempore.
Quæ sit ratio religionis Christianæ apud Lapponas,
ostensum copiose arbitramur. Neq́; potest esse dubium,
quin ad extirpandas superstitiones veteres, & annexa illis
mala alia, quicquid potuerunt, operæ consiliique adhibuerint,
Reges juxta pii, atq́; Sacerdotes. Verum manent reliqua non
pauca, quæ ulteriorem curam & sollicitudinem desiderant. Qua de
re testatur ille ipse Rheen dictus nobis jam sæpissime, in cap. 24
descript. Lapponicæ. Dhet finnes hoos them ænnu myken vvidskepelse,
och grofvva vvillfar elser. Hoc est: Adhuc multa superstitio
est apud ipsos, multi crassi errores. Unde in suspicionem veniunt,
quasi tantum simulent religionem Christianam plurimi, intus vero
maneant pagani. Sic enim pergit ibi: Ehuru-vvaæll the vvillia
synas dyrka, tiena, och troo pao Gudh, doch lykvall ælska the myket
sina fœrfaders vvillfar elser. Hocest: Licet cupiant videri colere
Deum, honorare, atque credere in ipsum, tamen amant plurimum errores
suorum majorum. Atq; ad hunc modum annis etiam superioribus
Petrus Claudi de Lapponibus Norvagicis. Endock att the
sielfvva foera theras barn ut till præsterna, och laota dennom dœpa, och
somma Komma om aohret ut till Kirker, och hoera predikan, och
annamma och sao altarens Sacrament: sao bevvysa the doch med theras
afguderii, att sao dant ær icke uthan skroempteri. Hoc est: Etiamsi
liberos suos deferant ad Sacerdotes, eosque curent baptizari, &
quandoque in anno proficiscantur ad templa, concionem sacram audiant, &
accipiant Sacramentum altaris, tamen idololatria sua satis ostendunt,
istæc omnia fieri non sine mera simulatione. Quanquam vero istoc
credere de omnibus iniquum sit, experientiaque aliud ostendat,
tamen quin existat ficta magis, quam vera seriaque in non paucis
<< prev. page << föreg. sida << >> nästa sida >> next page >>
Project Runeberg, Mon Dec 11 19:51:46 2023
(aronsson)
(diff)
(history)
(download)
<< Previous
Next >>
https://runeberg.org/sjlapponia/0110.html
