Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
professio religionis Christianæ, frustra quis negaverit. Caussa
vero, cur tam difficulter superstitiones & impictatem deserant, non
est una tantum, verum multiplex & diversa. Una vetus, de qua
suo tempore Zieglerus: Quo minus plures sint Christiani ex
Lapponibus, culpa nonnulla est Præsulum, qui aut hanc curam instituendæ
qgentis abjecerunt, aut fidem Chrissi illic adolescentem e vilescere rursus
fecerunt, dum sub ejus fidei prætextu sua etiam vectigalia subinferre
genti voluerunt. Scilicet Lappi antea haud divites per
Sacerdotum has exactiones reddi pauperiores, æquo animo utique non
ferre poterant. Conatur quidem caussam hanc revellere Olaus
Magnus lib. 4. cap. 19. ubi vocat assertionem impiam & mendacem; sed
nil affert, unde contrarium appareat. Nam quod occupatos esse
scribit Sacerdotes in docendis provinciis meridionalibus, quod
Johannem fratrem suum venisse in extremam Iemptiam, pauperibus
ibi erogasse stipem multam, magnoque sumptu salis coctionem
instituisse, nil adversus ea, quæ à Zieglero fide adferuntur
haud deteriori in his, quam in cæteris, facere quilibet intelligit.
Sed hæc caussa cura liberalitateque Regia nunc est sublata, ut ex
præcedentibus cognoscitur. Alia sequitur, vastitas nimirum
regionis, de qua idem Olaus meliori ratione c. 14. ejusce libri: Quod
vero Lappi tardare videntur, caussi est, & hæc evidentissima, quod
maxime distant, ducentis scilicet & amplius miliaribus Italicis ab
Ecclesiis Christianorum. Quanquam autem & hæc caussa hactenus
submota, quod in ipsis territoriis eorum sint ædificata templa,
manet tamen illa vastitas, quam peragrare Sacerdotes raro possunt.
Itaque nunc quoque de Lulensi sacerdote vidimus in præcedentibus,
quod ægre magnaque difficultate possit expedire negotia sua,
propter tractus ac territorii illius spacia ingentia. Et hæ quidem
caussæ sunt ab una parte. Ab altera primum gentis ipsius est
ingenium ad superstitiones pronum. Qua de re jam in superioribus
est actum, testaturque quotidiana id experientia. Accidit hoc
autem eis primum, quia vivunt in locis asperis & horridis, inter
sylvas, inque iis feras bestias. Deinde quia vivunt extra consortia
cum hominibus aliis, & seorsum singuli pro sese cum familia sua,
<< prev. page << föreg. sida << >> nästa sida >> next page >>
