Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Venio nunc ad tertium, sacrificia videlicet, ac honores alios.
De quibus ante omnia notandum, quodà solis fiant viris, feminis
exclusis omnibus. Nam feminam sacrificare non magis fas existimant,
quam accedere ad locum quemcunque, deo consecratum.
Samuel Rheen: Ingen quinnos person ær lofligit till att offra. Hoc
est: nulli feminæ concessum est sacrificia offerre. Deinde, quod
sacrificia fiant nulla, nisi prius explorata voluntate numinis, utrū
grata sint, nec ne, futura. Quod fit instrumento peculiari, Kannus ipsis
dicto, tympanis antiquis haud dissimili, unde vulgo tympanum
Lapponicum vocatur, & à nobis postea describetur cum cura. Hoc
tympano pulsato, additisque cantionibus, primum id, quod loco
victimæ constituunt immolare, offerunt Thoroni, qui si dato indicio
per annulum in tympano monstraverit, placere sibi victimam,
solenni ritu mactatur. Sin vero ipse eam noluerit, venitur ad Solem,
& Stoorjunkare, justo ordine, donec fuerit inventus, qui placere sibi
victimam indicio certo demonstraverit. Quemadmodum hæc
pluribus est executus Anonymus Ms. cujus verba, quia longiora
sunt, Latinè tantum adseram: Quum, inquit, Lappones sacrificare
constituerunt, tum victimas offerunt Stoorjunkare, unusque pulsat
tympanum, cæteri, mares juxta feminæque, cantant junctis vocibus hoc
modo: Maiide siœl kak tun stourra passe seide, h. e., quid ais, magne
sancteque Deus? accipisne victimam, quam immolare tibi destinavi?
dumque sic cantant, nomen montis addunt, in quo immolare volunt
victimam. Quod si annuit Stoorjunkare, annulus in tympano stat immobilis
eo loco, ubi Stoorjunkari picta est imago. Si Stoorjunkare non annuit,
victimam offerunt Toroni priori modo, & sic canunt: Maiide Aiikik
Ietti, maiide vverro: hoc est: Quid vero tu pater Deus (id est Thorus)
tunc vis meam victimam? quod si annulus stat in Thoronis imagine, ipsi
victima est mactanda. Et sic res sese habet in cæteris. Addit Samuel
Rheen hoc amplius, solere pilum è collo victimæ evulsum alligare
annulo, quo in tympano utuntur, Verba ejus ita habent, sicut à me
versa sunt Latine. Quando explorare cupiunt, cui victimam offerre
debeant, Thoroni ne, an Stoorjunkare, num Soli, faciunt
<< prev. page << föreg. sida << >> nästa sida >> next page >>
