Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
kalles det Quobdas och kannus men af os Lapptromma eller rattare,
treolltruma. Hoc est: A Lapponibus vocatur Quobdas, item Kannus,
à nobis vero tympanum Lapponicum, seu potius tympanum magicum.
Tympanum hoc fabricant ex ligno. Olaus Petri: Tympanum
usurpant ex excavato intus arboris magno trunco. Lignum illud esse
debet pineæ, abietis, aut betulæ certo loco natæ, vertentisque se
ad cursum Solis. Ita docet res ipsa, & Samuel Rheen his verbis:
Lapparnes trumbor ære giorde antingen af graan, tall, eller biork,
doch maoste det træ, af huilken trumben shall gioeras, vvara vvæxter
pao & serdeels rum, sasom och effter solennes gaong rætt omkring, och
icke emoot des gaong. Hoc est: Tympana Lapponica fiunt vel ex pinu,
vel ex abiete aut betula, sed oportet arborem è cujus lignis fabricari
debet, certo & peculiari natam esse loco vertereq; sese recte ad ambitum solis,
non contra eum. Peucerus itaq; errat, quando facit ex ære. Tympanum
habent æneum inquit in de Divin. pag. m. 297. Dicitur autem
arbor sese vertere ad Solis ambitum, quando truncus ita flexas habet
ligni fibras, ut flexuræ illæ ab imo percurrentes ad summum à
dextra sese vertant in sinistram, unde forsan colligunt, arborem eam
Soli esse gratam & amicam, quem in Torone secretiori religionis
lege adorant atque venerantur. Porro lignum illud unicum est, ex
caudicis per medium fissi una parte excavata, sic ut planum ejus
præbeat summitatem, super quam intenditur pellis, id vero quod
convexum, partem imam, & manubrium, quo tenetur. Solent
enim partem hanc sculptis oblongis duobus foraminibus ita
fabricare, ut inter duo ista foramina relictum lignum ansæ loco
esse possit. Reliqua pars, quæ est à latere, pellemque intensam
sustinet, est instar circuli, non rotundi, sed oblongi, figura pœne
ovali, cujus diameter vix dimidium excedit ulnæ, sæpe minor est.
Pellem seu membranam habet intensam non nisi unicam. Olaus
Petri: Hujus (tympani) alteram saltem partem superiorem membrana
obdutunt; unde tympanis equestribus assimilat J. Tornæus; vocat enim
instrumentum ad fiquram tympani, vel nostrorum Bukor(sic appellant
Sueci tympana equestria) nisi quod oblongius aliquantum sit fabricatū.
<< prev. page << föreg. sida << >> nästa sida >> next page >>
