Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
kalla, ær af allahanda. Koppar, Iærn, mæssing oc, sillfvver lænkior
summanfattat. Hoc est: Index, quem appellant Arpa, ex variis
catenarum annulis, cupreis, ferreis, orichalceis argenteis est constructus.
Quibus verbis discimus, non æs solum, sed & alia metalla eo fine
usurpari. Malleus vocatur instrumentum, quo pulsare solent
tympanum, quod apparet ex allatis exemplis Olai Magni, & Johannis
Tornæi, quando ait, genios familiares sollicitant, malleolo membrana
pulsantes. Est autem non fabrorum quidam malleus, quod
existimasse pictor imaginum apud Olaum Magnum videtur, sed
peculiare instrumentum ita dictum à Lapponibus, factum è cornu
rangiferi, sicut rami duo extremi desinentes in furculam præbeant
speciem ferri, truncus reliquus aptetur in manubrium. Instrumenti
totius ea est species, quam subjeci tympanis A & B litteraque H
signavi. Hoc malleolo pulsant tympanum non tam ut notabilem
quendam edant sonum, quam ut pulsatione ista moveant annulum
pelli seu membranæ impositum, quo tandem possit, circumeundo
figuras in tympano pictas, monstrare, quod est scitu necessarium.
Atq; ad hunc modum sese habet tympanum Lapponicum cum omni
sua supellectile, indice inquam, & malleolo apud Lapponas Suecis
tributarios, usurpant aliquod & Finlappi, qui vicini sunt Norvagis, &
imperio Danorum parent. Sed est id diversum non nihil ab iis,
quæ à nobis sunt proposita, quemadmodum cognoscitur ex
delineatione ab Olao Wormio, Viro doctissimo diligentissimoque
publicata in Musæi ejus lib. IV. c. 12. Licet putem, eam etiam
diversitatem esse, non quod alia habeant tympana illi, alia nostri; sed quod
tympanum Wormianum esset generis alterius, & ad certos aliquos
spectaret usus. Nos ne quid desiderari possit, quomodo à
Wormio descriptum extet, videamus. Wormius sic habet: Tympanum
Lapponicum, quo ad modulos pulsato varia explorant, & magicam suam
exercent, ex ligno constat ovali excavato, pedali longitudine, decem
unciarum latitudine, cui sex insculpta foramina, & manubrium, quo
commode sinistra teneri possit, dum dextra pulsatur. Annectitur ei
nervis quibusdam membrana, variis & ineptis siguris sparsim sanguine, aut
rubicundo colore pictis exornata. Huic adest æneum corpus
<< prev. page << föreg. sida << >> nästa sida >> next page >>
