Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
herus ejus in Germania tum faceret. Id facturum se Finlappum
illum promisisse, tum more ebriorum cœpisse vociferari, &
repente exultantem, semelque ac iterum discurrentem in orbem
procidisse in terram, ibi jacuisse instar mortui, postea velut
recepta vita surrexisse, indicasseque ipsi, quid ab hero ejus ageretur.
Id statim annotatum esse in libro publico mercatorum, remque
postea depræhensam ita sese habuisse, sicut Finlappo ille
memoraverat. Est insigne hoc exemplum, eoque minus trahendum in
dubium, quod autoritate publica consignatum fuerit. Neque
discrepant, quæ hodieque memorantur numero haud parva, inter
quæ non prætereundum, quod commemorat Joh. Tornæus, de
Lappone hodieque vivo, qui sibi ipsi commemoraverit omnia,
quæ accidissent in via, dum primum iter facit in Lapponiam, nota
Lapponi, priusquam unquam Tornæum dictum vidisset. Memorabat,
inquit, verissime specialissimeque, quicquid acciderat mihi in
itinerein Lapponiam. Licet autem revera sese ita habuissent omnia,
sicut Lappo de itinere meo narrabat, ego tamen omnia dicebam esse falsa
& mendacia, ne se posset gloriari de his diaboli nunciatis, aut tribuere ipsi
fidem, tanquam à quo didicisset vera. Non est causa vel in speciem
probabilis, cur suspectum habeam hoc exemplum, aut negemus fidem
viro minime superstitioso, aut credatur in negotio, quod ipsi
accidit. Modum tamen explorationis non eundem tradunt omnes.
Olao Magno sic describitur prædicto loco: Conclave ingreditur
uno comite uxoreque contentus, ranam æneam aut serpentem malleo
super incudem præscriptis ictibus concutit, carminumque murmure hinc
inde revolvit, continuoque cadens in extasin rapitur, jacetque brevi
spatio velut mortuus. Interea diligentissime à prædicto comite, ne
quoduis vivens, culex, aut musca, vel aliud animal eum contingat
custoditur. Carminumque namque potentia spiritus ejus malo dæmone
ductore à longinquis signa (annulum vel cultellum) in testimonium
expeditæ legationis seu commissionis reportat, illicoque resurgens eadem
signa cum cæteris circumstantiis conductori suo declarat. Petrus Claudi
refert ita, ut Latine tantum verba ejus nunc proponam: Projicit
se in terram, spiritumque suum amittit, fitque similis mortuo, ater
<< prev. page << föreg. sida << >> nästa sida >> next page >>
