- Project Runeberg -  Joannis Schefferi Argentoratensis Lapponia id est, Regionis Lapponum et gentis nova et verissima descriptio /
143

(1673) Author: Johannes Schefferus
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)


Adjungunt & suam cantionem viripariter ac femina præsentes, illi
altiore, hi submissiore voce
. Ita denique ex annulorum motu situque,
qui pulsat tympanum, ea colligit, de quibus dictum est in
præcedentibus. Ac hi quidem usus tympani frequentiores. Superest
adhuc unus, ut per id exerceant maleficia, inferant aliis damna
valetudinis ac vitæ. Qui non usque adeo communis & vulgaris
omnibus. Samuel Rheen: Maonge Lappar, doch icke alle, bruuke
denna trumban at spao med
. Hoc est: Multi Lappones, nec tamen omnes
tympano isto utuntur & ad maleficia
. Et hunc demum usum sunt
plerique, qui solum putent illicitum, non cæteros, cum per eos
nemini noceatur. Joh. Tornæus: Dhe som dessa saker allenast soekia
at vvetta, vvillia intet vvara ræknade liika med dem, som tillfoga
androm stada der medh. Effter som desse goera det som ont ær, men dhe
tvvert emoot
. Hoc est: Qui hæc tantum (quæ præcesserunt) per
tympanum quærunt explorare, nolunt in eorum numero haberi, qui
aliis per id afferunt damnum. Quoniam hi faciant malum, ipsi vero
contrarium
. Quamvis autem usus hic non omnibus sit receptus,
reperiuntur tamen, quibus nimis frequens est. Memoratque
Johann. Tornæus Anno MDCLXXI. in Lapponia Kiemensi
depræhensos plurimos, cum istis suis tympanis ingentis magnitudinis.
Desse, ait, gaofvvo ifraon sig sina trumbor, sao stoora oc vviida at dhe
der ifræon inte foeres kunde, uthan maoste der upbrænnas
. Hoc est:
Hi tympana offerebant sua tam magna lataque, ut inde non possent
deduci, sed comburi deberent
. Subjicit & exemplum unius ex
maleficiis ist s, quod se ita habet. Inter istos Lapponas, dicit, unus
erat annorum octoginta, quise fatebatur adhuc ætate puerum didicisse
artem istam à patre suo, annoque MDCLXX. propter unicum par
manicarum arte malefica effecisse, ut rusticus Kiemensis in cataracta
quadam suffocaretur. Damnabatur hic quidem ad ultimum capitis
supplicium, inque vinculis deducebatur ex Lapponia versus proximum
Bothniæ oppidum. Dum vero est in itinere, sibi ipsi afferebat mortem arte
sua, ut in momento exspiraret, sanus valensque sedens in traha, sicut
prædixerat futurum potius, quam ut veniat in manus carnificis
. Quo
utantur ritu ad hunc usum rympani, quibusve verbis, gestibus, signis

<< prev. page << föreg. sida <<     >> nästa sida >> next page >>


Project Runeberg, Mon Dec 11 19:51:46 2023 (aronsson) (diff) (history) (download) << Previous Next >>
https://runeberg.org/sjlapponia/0167.html

Valid HTML 4.0! All our files are DRM-free