Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
fuisse videtur, qui floruit circa annum MCCLXXVII. Docet
Scheda, quam inter alias Johannis Buræi manu scriptam reperi in
libro quodam ipsius, quem inscripsit sumla. Scheda ita habet:
I Konung Magnus Ladulaos tiidh vvoro Lapparna itt egitt folck. Och
effter han icke kunne vvinna them under svverikes Krona, boed han
them, som vville vvaoga och Komma them under Kronan, sao vville
han gifvva them hina i hænder till ægendom. Hoc est: Temporibus
Magni Ladulaos, Lappones sui erant juris. Qui quia eos Sueciæ
Coronæ nequibat subjicere, iccirco si quis esset, qui rem vellet tentare,
ipsosque subjicere, ei offerebat se daturum illos in proprietatem.
Videtur noluisse sumptus facere in expeditionem justam, cum
præsertim persequendi essent haud aliter, ac feræ fugitivæ, non
potuise tamen æquo ferre animo, gentem tam vicinam, ac in medio
prope civium suorum, habitantem (sedes enim suas tum ad littora
sinus Bothnici habebant, ut supra docui) obsequium Coronæ
Suecicæ detrectare. Itaque rem alia via est aggressus, ostensoque lucro
privatos quosdam isthuc invitavit, ut viderent, quomodo gentem
dictam subjugarent. Neque caruit res successu. Nam vicini
Birkarli, spe illius lucri allecti, susceperunt negotium, & confecerunt
felicissime. Memorabilis præsertim est solertia unius, quam ex
narratione Domini Andreæ, Parochi atque sacerdotis in Pitha,
retulit Ericus quidam vir honestus, civis & aurifaber Luhlensis, &
memoriæ causa consignavit Johannes Buræus, qui cum aliis
colloquiis interfuit, sermone populari, ego proponam Latino, quia
longior est historia. Ex Birkarlis quidam solus tendebat in
Lapponiam, insidias Lapponibus structurus in via, qua ex Birkala ituri erant
domum (ea enim ætate habitabat nemo à parte septentrionali dicti pagi)
seque obrui nivibus jacentem in medio viæ, curabat per uxorem suam,
ut Lappones non possent, nisi supra corpus ejus ita obrutum nivibus, iter
facere. Qui cum nocturno tempore venissent, numerum eorum esse
quindenarium, qui fuerunt præcipui ex Lapponibus auctoritate &
potentia, cæterosque omnes habebant subjectos, intellexit. Qui cum
abiissent, celerrime proripuit se ex nivibus, & per compendia quædam
Lappones prævenit, sicque incautos nihilque metuentes, alium post
<< prev. page << föreg. sida << >> nästa sida >> next page >>
