Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Lapp uthgioera, som skattar een heel skatt. Hoc est: Tributum
Lapponum primo sunt imperiales nummi duo in specie (ut appellant)
quos vocant skattadahler, eos dare cogitur quilibet qui pendet
integrum tributum. Iohann. Tornæus: Dhen som drager een heel skatt
giffvver tvvao Riksdahler om aohret till Cronan. Hoc est: Qui
pendet integrum tributum, is quotannis Coronæ duos imperiales dare
tenetur. Qui vero minus possidet, ac tantum tributi dimidii, habet
prædium, is solvit nummum imperialem unicum. Idem: Andra
uthgioera een Richsdaler, som skatta een half skatt. Hoc est: Alii
unum dant imperialem, quorum tributum est dimidium. Jam quia
evenit non raro, ut sint quidam destituti nummis imperialibus,
ideo eorum loco pelles præbent, aut pisces. Pelles fere sunt aut
vulpium, aut sciurorum. Horum quinquaginta æquiparantur imperiali
uni, illorum una cum calceis Lapponicis duobus. Pisces
sunt siccati, quorum bina pondo similiter imperialis vicem
præstant. Verum pondo quodlibet supra vulgarem consuetudinem
libras quinque adjectas debet habere, quia fere cuilibet tantum
decedit, priusquam recte pisces fuerint exsiccati. Atque pondo
tale cum augmento suo vocant Skattpund, id est, pondo in tributo
duri solitum. De rangiferis suis offerunt decimas, quas præbent
non familiæ singulæ sed pagi. Sæpe laudatus scriptor: The givva
tiionde reenar, hvvar reen beræchnat foer tree daler soelfvvermynt,
thesse reenar uthgioera the af hvvario by, och icke at hvvar familia,
uthan hvvar by ær taxerat, huru maonge reenar the skole utgœra Hoc
est: Decimas rangiferum dant, quolibet rangifero æstimato pro
thaleris tribus moneta argenteæ. Hos rangiferos dant de pagis singulis, non
familiis, eo numero qui est constitutus, quantum pagus quilibet
rangiferorum teneatur præbere. Quod hic additum est de pretio
rangiferi cujus libet, eo spectat, ut si quis pro ipsis animalibus malit
nummos dare, id ei liberum sit, neque exigi amplius possit. Tertium
quod præbent, sunt decimæ pellium. Quilibet enim paterfamilias
dare tenetur vel pellem unam vulpis albi, vel paria duo
calceorum Lapponicorum, vel si hisce careat, pondo dimidium
exsiccatorum luciorum. Idem: Lapparna goera i tionde till cronan
<< prev. page << föreg. sida << >> nästa sida >> next page >>
