Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
singulæ fulcrum præbere possint, cui innitatur, velut basi aut
columnæ, tuguria sua extruere. Sed hoc quidem genus nobis
incompertum est. Fennos habitare in aliquo ramorum nexu scribit
Tacitus, quod fortassis nostro præbuit occasionem ista memorandi.
Nam & genus quartum non aliunde, quam ex Zieglero videtur
habuisse. Scripserat Zieglerus, amaxobii sunt, inde Olaus Magnus:
Gens hæc in tentoriis, vel carris moratur. Scilicet amaxobii, quantum
attinet ad vocem, illi, qui in plaustris, atque carris vivunt, tales
ergo Lappones Olaus credidit sermone Ziegleri inductus. At hoc
prorsus falsum est. Carri, plaustra, & id genus penitus incognit
Lapponibus. Et qui possent usurpare in lubrica glacie, & nivibus
altissimis; Neque tali sensu amaxobios Zieglerus appellavit. Sed
quia incertis vagentur sedibus instar amaxobiorum, quæ gens est
notissima Scytartum. Ideo præcedit proxime apud ipsum: tabernacula
quasi Castrensia, mansionesque sæpe transferunt. Manent ergo
tantum duo illa domiciliorum genera, quæ prædixi. Nam &
quintum genus de quo Paulus Jovius, vel est subitaneum, vel illis
tantum usitatum, qui sunt sub imperio Moschovitarum. Gentis
cubilia, inquit, cavernulæ, siccatis repletæ foliis, cavique arborum
stipites, quos vel intromissa flamma, vel ipsa vetustas inducta carie
fabricavit. Cæterum in utroque illo genere sic omnia sunt constituta,
ut primum quodlibet tugurium duas habeat januas, unam à fronte,
alteram à tergo. Illam majorem, quotidianam, omniumq;, &
ad quæcunque negocia concessam usibus; hanc minorem, & per
quam exire vel intrare nulli fas sit fœminæ. Samuel Rheen. Pao
bemælte sina kottor hafvva the een vvanlig dœr, ther igenom the
ingao, men back fœr kottorna hafvva the een liten dœr, ther igenom the
inkasta theras matvvaror, serdeles thet the faonge af skogen, saosom
foglar och vvildbrao, eller af sioegar, saosom ær allehanda fiske. Detta
mao icke inbæras igenom then rætta dœren, uthan thet skall inkastas
igenom baakdœren. Hoc est: In his tuguriis suis duas habent januæ,
unam, usitatam, perquam solent intrare, aliam à tergo tugurii minutam,
per quam conjiciunt in tugurium res ad victum pertinentes, præsertim
venatione captas in sylvis, ut aves, & carnes ferarum vel in
<< prev. page << föreg. sida << >> nästa sida >> next page >>
