Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
stanneis. In hac pera recondunt pyritem, quem habent plerumque
non ex silice, sed crystallo, ut ostendam alibi, dein chalybem
cum sulphure, ad excitandum ignem, quocunque venerint, tum
tabaccum, & si quæ habent alia generis minuri. Sacculus scorteus,
& ipse ex prædicti generis corio, parique modo cultus, forma
oblonge rotunda, piri modo, in quo recondunt nummos, & pretiosiora
alia. Plures hic appensos habent annulos. Acuum theca
generis est singularis. Pannum habent simplicem, figura quadrata,
sed cujus pars superior multo sit minor inferiori sive basi, referatque
triangulum oblongum, superne detruncatum. Hunc pannum à
lateribus corio muniunt, ut sit firmior, atque sic in eo figunt acus
& ejusmodi. Inserunt autem eum thecæ similis figuræ, superne
panno rubro, vel alterius coloris, item filis stanneis culto, attractu
lori, quo in capite pannus iste suspensus est à cingulo. Præter ista
de cingulo dependent catenulæ aurichalceæ, cum numero non
exiguo annulorum orichalceorum. Has annulorum catenulas
suspensas habent circa corpus totum, pera imponitur imo ventri
circa pubem, cætera rejiciuntur ad latus. Atque hic vestitus
ornatusque corporis. Caput vulgo operiunt pileo sine limbo, ditiores
limbum addunt ex pelle. Olaus Petri c. 16. ditiores faltem
vulpina, castorea, mardurea pellibus capitia exornant. Forma talis,
quali vulgo dormientes in cubiculis habemus. Fit vel è panno
rubri, vel alterius coloris, vel è pilis leporinis albis, nendo ductis
primum in fila, dein contextis eo fere modo, sicut tibialia nostra
solent, vel denique è pellibus avis, Loom vocati, suis adhuc plumis
ornatis. Aliquando avem totum sicaptatum habent, ut servato
capite alisque non indecorum præbeat tegmen capiti. Meminit
jam Olaus Magnus. Lib. IV. c. 3. Tegmenta capitum pro frequetiori
usu habent exuvia anserum seu anatum ac gallorum , qui ut cætera
volatilia ibidem reperiuntur innumerabili quantitate. Loquitur de
gallis hic, non gallinaceis, sed urogallis, sive tetraonibus, item
anatibus, nam & has sic accommodare consueverunt. Effigiem exhibuit
utcunque delineatam lib. XVII. c. 26. Manus muniunt chirothecis
vulgari modo factis, pedes calceis sui generis. Sunt hi
<< prev. page << föreg. sida << >> nästa sida >> next page >>
