Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Quare ipsas crudes dixit Lomenius. Lac & ipsum vel coquunt cum
nonnulla portione aquæ, quia crassum est, ut ostendam in sequentibus,
vel exponunt frigori hyberno, ut congelatum coeat instar casei,
diutiusque possit servari. Idem. The foervara och then
reenmioelk, som the seendt pao hoesten maolka i stora faat, och laota then
frysa saosom iis, then the skæra soender liika som ost. Hoc est:
Servant quoq; lac rangiferorum, quod emulgent serius in autumno,
repositum in vasis majoribus, sinuntque congelare in modum glaciei, quod post
scindunt in partes instar casei. Ad eunden modum pisces præparare
solent. Alios enim coquunt, alios edunt exsiccatos. Unde
Samuel Rheen de piscibus eorum: The æta then undertiiden kookat,
och undertiiden okookat. Hoc est: edunt eos quandoq; coctos,
quandoq; non coctos. Loquitur de exsiccatis piscibus, quos ait tempore
veris vel æstatis exponere aëri aut soli,& sic exsiccare. Fisken torka
the vvaortiid och om sommaren i vvaædret och solen. Hoc est:
piskes tempore veris & æstatis exsiccant in aere ac sole. Solent
nempe postquam ceperunt, cujuscunque fuerint generis, præsertim
vero lucios, primum exenterare, post in bacillis super furcas ad id
excitatas, & superne munitas tecto, ne à pluviis madefiant atque
corrumpantur, suspendere. Sic calore solis, & ventorum flatu durantur,
ut servari queant aliquot per annos. Idem fit rigore frigoris si
Wexionio adhibemus fidem, qui sic lib. IV. c. 1. Pisces Lappi frigoris
duritia hyeme absq; sale exsiccant. Quos hoc modo non exsiccant,
edunt coctos statim post capturam. Coctos autem vel per se ac solos,
vel cum carnibus, ut dixi supra, sive avium illæ fuerint, sive
animantium ferarum. Assare neque pisces, neque carnes consueverunt,
excepta sola lingua rangiferi, & ossibus, in quibus medulla, uti
supra indicatum est. Mirorque plane, contrarium esse proditum
ab Olao Magno, quando ait lib. IV. c. 12. Carnibus horum
animalium (quæ capiunt venatione) frequentius assis, quam lixis vescuntur.
Licet videatur in hanc sententiam inductus à Zieglero, apud quem
cum veru porrigi legisset carnes à marito conjugi, ipse collegit,
assare consuevisse, unde ait, vir prædam dividit, veruq; designat
assandam, verbis Ziegleri, nisi quod dę suo illud assandam adjiciat.
<< prev. page << föreg. sida << >> nästa sida >> next page >>
