Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Lapponibus est certum, quod in tantum à venatione omni
arceant mulieres, ut & ad instrumenta sua venatoria non admittant, ea
janua non exerceant venatum; neque intrent in tugurium, qua
ipsæ solent, ac ne feram quidem à se captam sinant tangere suis
manibus, ut mox singula uberius ostendam. Cæterum in venatione
omni multa solent observare, pro sua superstitione. Primum est,
ne inauspicato ipsam instituant tempore vel die. Habent autem
pro inauspicatis cum nonnullos alios, tum præsertim S. Marci
quem appellant Cante pæive, atque S. Clementis. Samuel Rheen;
cujus verba etiam alibi adduxi: Dies habent quosdam, quos
observant, ut Catharinæ, Marci, vel Cante pæive, item Clementis, quibus
diebus nemo Lappponum venari vult, aut sagittis feras petere: ferunt
enim itafore, ut multa ipsis eo anno improspere eveniant, si quid tali die
venarentur, sagittisve peterent, atq; id inprimis, quod rumpentur arcus
ipsorum. Habes causam, ob quam dies hosce habeant pro infaustis,
atque illam duplicem, quod & instrumenta venatoria perdant istis
diebus venaturi, & venationis successum toto illo anno amittant.
Secundum est, ne venationem paulo justiorem suscipiant, nisi
explorato ante numinis favore per tympanum Lapponicum. Nam &
hic illius usus est, eoq; fine habent in eo depictas certas ferarũ
imagines, qua de re jam docui alio loco. Ante omnia vero hæc
observant, cum exire in venationem ursorum debent, quod ostendam,
cum ad eam nominatim erit ventum. Tertium, ne exeant ea janua
tentorii, qua exire vulgo solent, aut intrare; sed adversa, quam
appellant Posse. Propter fœminas opinor, quarũ occursus creditur
venantibus infaustus. Estq; hæc inter alias caussa, ob quam fœminis ad
tergum tugurii, ubi ea est janua, interdictum venire, ut me docuit Ol.
Matthiæ. Gentis Lapponicæ apud nos, dum ista scribo, Studiosus.
Quia nempe credunt improsperas fore venationes suas, si obvias
haberent sibi eo loco fœminas. Indicavit pridem jam Zieglerus,
verbis licet aliquantum obscurioribus, quæ ex dictis tamen possunt
intelligi & emendari. Nefas, inquit, est, mulierem exire tabernaculo
janua, qua vir eo die est ad venationem profectus. Non una, & eadem
solum die nefas est, sed perpetuo, quia nunquam alia venatum exit
janua, quam quæ est à tergo tabernaculi, qua exire fœminæ non licet.
<< prev. page << föreg. sida << >> nästa sida >> next page >>
