Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
samma aohr. Hoc est: Eo rangifero,qui devexit ursum, nemo uti
potest ad vecturam illo anno. Solent autem, si possunt, ibi statim, ubi
trucidarunt ursum, excitate tugurium, in quo excoriatum coquant,
si adsit, copia rerum ad extructionem eam necessariarum, sin
minus, alio idoneo id faciunt loco, ubi habent arbores ramosque ad id
utiles. Atque ibi quidem conjuges congregantur eorum, quæ
adventum maritorum præstolantur expectatione magna. Qui cum
adpropinquant, novam incipiunt cantionem, qua uxores rogant
suas, ut corticem arboris alni dentibus comminuant, & sic expuant
in eorum faciem. Anonymus. Nær the komma till thet rum, ther
the vvillia foertera bioern, ther æro theras hustror oc quinfolk
foersamblade, som med froegd foervvænta sine mæns heemkompst fraon
biornefænge. Tao siunga Lapparna saoledes: Læibi ja tuoli susco, dæt
ær, the bedia sine hustrur tugga aalbark, ther med de skola bestænkia
eller spotta sine mæn i ansichtenn. Hoc est: Cum veniunt eo, ubi
ursum epulando volunt consumere, ibi congregatæ sunt uxores eorum
feminæque, quæ magno gaudio expectant reditum suorum maritorum à
veatione ursi. Et tunc Lappones hoc modo canunt; Læibi ja tuolo
suosco, id est, rogant uxores suas, ut dentibus comminuant corticem alni, quo
respergant expuantve in faciem suorum maritorum. Caussa, cur sic
rogent, ea est, quia post deductionem ursi occisi ad tugurium, in quo
debet coqui, quisque venit ad tugurium aliud, ubi debet ab uxore
excipi prædicto modo. Utuntur autem mulieres alni cortice, quia
comminutus dentibus, rubrum gignit colorem, quo & alia utensilia
sua pingunt, ceu rubrica. In faciem vero maritorum tinctam hoc
colore salivam expuunt, ut respersi, velut cruore ursi post
venationem, videantur rem gessisse fortiter, nec citra periculũ & laborem.
Solent autem in tugurium id reverti non per januam communem,
sed alteram à tergo. Per quam cum quisque introspicit, sic ab
uxore respergitur, ut est dictum. Anonymus hæc cuncta tradit,
additque solere mulieres clauso uno oculo spectare per annulum
orichalceum, tanquam ictum ad certam destinarent metam, atque
sic expuere. Verba longiora sunt idcirco Latine tantum afferam.
Quando Lappones ad uxores suas revertuntur, primum intrant in
<< prev. page << föreg. sida << >> nästa sida >> next page >>
