Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Cæterum has soleas aptare solent pedibus beneficio circuli
viminei, qui trajectus est utrinque non per latitudinem earum, aut
partem planam, sed à lateribus per earum crassitiem, ne vel
lubricitatem earum in parte inferiori impediat, vel cursu frequenti
detritus pereat, quod & ipsum in effigie Frisiana non est expressum.
Circulus is est in medio ferè soleæ, sic ut soleæ pars dimidia promineat
ultra pedem, pars altera dimidia post pedem recedat, planta pedis
fixa sit in medio; pes autem circulo vimineo insertus firmatur ad
soleam fasciâ quâdam, ad posteriorem pedis partem religata, ut ex
pictura superiori facile cognoscitur. Nam ea quidem, quæ non
semel cernitur apud Olaum Magnum, & exhibita quoque est à
Frisio ad Balduinum, merum purumque pictoris est figmentum, qui
degens in Italia, ligneas hasce soleas Lapponum non potuit
intelligere, nisi ut formaret instar calceorum ligneorum, ultra pedes
procedentium longissime, & desinentium in repandum mucronem,
quibus à posteriori parte cavis inserantur pedes, sicut aliis in
calopodiis. Quod omne ineptum est, nec conveniens ipsius Olai
descriptioni planæ, sicut & in aliis picturis factum apud ipsum
observatur. Non in extremo soleæ, sed in ejus medio pes solet reponi,
neque sine summa ratione, quoniam si reponeretur in extremo,
nec moveri posset enormis ille ultra pedem processus, nec in pede
firmari aut teneri, cum sustinendo tanto ponderi ab anteriori parte
pes non sufficeret, nec postremo illud effici, cujus causa soleæ istæ
inventæ sunt. Debent enim firmum in nivibus præstare vestigium,
quod fieri non posset, si in soleæ extrema parte homo toto pondere
incumberet. Nunc quia consistit in medio soleæ, habet & à parte
priori, & à parte posteriori, quod eum sustentet, nec sina tnives
pertundere. Cursum quomodo instituant his soleis, ostendit Olaus
lib. I. c. 4. Incolæ admirabili celeritate certis planis lignis, instar arcuum
in anteriori parte curvatis, ac pedibus affixis, directione manualis
baculi utuntur, quibus se arbitraria voluntate sursum deorsumque, vel
oblique super nivium cacumina transferunt expedite. Docet, fieri hoc
ope baculi manualis, quo scilicet in capite munito tabella rotunda,
ne descendere possit per nives, se protrudunt, & sic concitatissimo,
<< prev. page << föreg. sida << >> nästa sida >> next page >>
