Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
itinere per lubricitatem earum feruntur. Quod genus cursus proprio
idoneoque apud Latinos destitutum vocabulo, quippe qui in
usu nunquam habuere. Sueci vicinique populi Skriida vocant,
quando sic per glaciem aut adstrictas gelu nives feruntur, calceis
induti ligneis. Inde ortum nomen Skridfinnorum, quod & apud
veteres occurrit. Paulus Warnefridi. lib. I. c. 5. Scritobini à saliendo,
juxta linguam barbaram etymologiam ducunt. Saltibus enim utentes,
arte quadam ligno incurvo ad arcus similitudinem feras assequuntur.
Subdit postea de rangiferis non pauca, quæ cum semper Lapponum
peculiaria fuere pecora, vix est ambigendum, quin sint hi ipsi,
qui priusquam isto nomine insignirentur, dicti fuerint Skritobini.
Unde & Adamus, qui nullam Lapponum facit mentionem, de
Skritobinis tamen, seu, ut ipse vocat, Skritofinnis: Contra Boream
habitant Scritofinni, quot ajunt cursu feras præire. Loquitur de cursu
non communi aut vulgari, sed qui nomen eis dedit, ut docebat
Paulus, fitque ligno incurvo, id est, soleis istis, quas superius
descripsimus. Hisce soleis quia celerrime ferebantur per nives, quod
Arctois gentibus est Skriida, sicut alibi ostendi, de cætero ex
Finnonibus erant oriundi, ideo Skridfinni dicti sunt. Est autem cursus
iste, non in plano tantum, sed & aspero & inæquali. Quin & in
ipsa montium enituntur cacumina, ut testatur etiam nostrorum
temporum experientia. Saxo pridem docuit de Skritofinnis,
artemque omnem descripsit in præfatione sui operis, his verbis.
Horum ortivas partes Scricfinni (sic appellat ipse, qui aliis Skridfinni,
causam alibi exposui) incolunt, quæ gens inusitatis assueta vehiculis,
montium inaccessa venationis ardore assequitur, neque enim ulla adeo
rupes prominet, quin ad ejus fastigium callida cursus ambage perveniat.
Primo siquidem vallium profunda relinquens, scopulorum radices,
tortuosa gyratione perlabitur, sicque meatum crebræ declinationis
obliquitate perflectit, donec per sinuosos callium anfractus destinatum loci
cacumen exsuperet. Inusitata nominavit vehicula, soleas ligneas,
Skiider dictas, quod & cætera hujus loci ostendunt, & Olaus Magnus,
qui lib. I. c. 4. ubi eas soleas, cursumque cum ipsis describit, verba
<< prev. page << föreg. sida << >> nästa sida >> next page >>
