Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
tabula. Corpus totum contexitur ex lignis pluribus, longitudinem
trahæ æquantibus, ad quatuor aut plures velut costas intus firmatis
per clavos ligneos, quæ costæ surgunt ex ligno densiore validioreque,
ima parte subpacto, instar carinæ. Hæc quasi carina, est lata
palmæ latitudine, versus proram curva, & elata in altum, ubi &
foramen habet, per quod lorum trajicitur quo ad rangiferum
firmatur. Ligna cætera paulo minoris sunt latitudinis. Nullos
autem in imo habet asseres, sicut trahæ vulgares, quibus corpus
reliquum innixum rotarum loco incedat, sed est per se nudum solumq;
neque planum in imo, sed convexum aut semirotundum, ut in
latus utrumque possit volvi, atque sic facilius per altissimas duci nives.
Hæc verissima trahæ Lapponicæ descriptio, & qualis cernitur apud
me in Musæo meo. Meminit illius pridem Herberstenius, sed verbis
paucis. Vehiculo, ait, in scaphæ piscatoriæ formam facto cervos
jungunt. Item Olaus Magnus, qui hoc modo describit lib. XI. c.
3. Vehicula eorum ab aliorum formis differunt, quia antrorsum instar
calceorum sunt cuneata, ad penetrandum nives, veluti marina navigia
ad dividendum fluctus & undas. Quibus verbis habes causam, ob
quam prora eorum sit acuta, sursumque flexa. Voluitque hoc
ipsum Johannes Tornæus, quando sic de eis. Est vehiculum à
pupi in proram acuminatum & elevatum, ut vectioni sit commodum.
Cæterum ne nives inter vehendum obruant vehiculum, vehentisque
adurant aut corrumpant pedes, versus proram ad ulnæ unius
spacium vel amplius contegere solent pelle vituli marini, lignis
quibusdam circularibus paulo supra vehiculum surgentibus affixa, idque
spacium deinde gramine, quo utuntur & in calceis, & alibi est
dictum, vel musco explent, pedibus contra frigora muniendis. Et
hoc quidem genus unum est vehiculorum, quibus Lappones utuntur.
Præter istud fabricant & aliud, quod appellant achkio. Id
quoad structuram quidem cæteram nil differt à priori, majus
tantum est. Nam cum prius illud ulnas longum sit fere tres, hoc
interdum quinque ulnas superat. Deinde nec est tectum versus
proram, sed apertum per omnia. De utroque Wexionius Desc. Suec.
<< prev. page << föreg. sida << >> nästa sida >> next page >>
