Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
qui in crebro usu dedimus, in fine capitis Litera B. signatam.
Præter ista viri faciunt, quicquid supellectilis ex ligno aut osibus est
necessarium in familia. Unde generatim Johannes Tornæus. Opera
manuaria tractant viri fabrilia, lignea, conficiendo vasa artisiciosa
satis. Et jam olim Zieglerus. Naves, dolia, & omne instrumentum
domesticum probe fabricant. Pertinent hucin specie cochlearia
è cornibus rangiferorum, quæ memorat & Samuel Rheen. Æhro
och somblige myckit behændige att goera skiedar af horn, them the med
sina knifvvar utsticka och in læggia suo en svvart fœrga. Hoc est:
Quidam eorum admodum sunt prompti ad conficienda cochlearia, ex
ossibus, quæ deinde exsculpunt cultris suis, coloremque immittunt nigrum
in sulcos. Est & hujus generis in Musæo meo unum, elegantissime
factum cum striis suis justo ordine disposito, nec his modo, sed &
annulis lamellulisque in capite manubrii appensis, ex uno eodemq;
sive cornu, sive osse. Speciem istius postea delineatam dabo
signatam littera A. Habeo ad eundem modum ex ossibus confecta
instrumenta textoria. Radium oblongum longitudine duorum
digitorum, atque amplius, rotundum, cum foramine in capite,
littera D. Item pectinem palmæ fere longitudine, quibus fascias
versicolores ex lana texunt littera E. notatum. Sunt & hi exculti ad
prædictum modum, nec indigni, qui spectentur. Neq; deest theca
pro tabacci pulvere servando, fabricata & ipsa non ineleganter ex
osse, cum suis orbiculis seu annulis, incisis cultro, & alias ornatis.
Omnia hæc vere talia, ut appareat, esse gentem non ita rudem, ut
plerisque credi possit, vereq; dici à Johanne Tornæo: cum expediant
hæc omnia proprio captu, facere spem, si artifici polito adjungerentur,
futuros esse minime inertes. Quod ut manifestius appareat, prædicta
omnia expressa diligentissime capitis proposuimus in fine. Adhuc
unum est, quod memorari debet. Solent enim ossa etiam
exsculpere diversis formis florum, animalium, & id genus, ac in iis
velut modulis quibusdam fundere ex stanno clypeolos, orbiculos,
lamellulas, quibus postea exornent sua cingula viri juxta
fœminæque. Samuel Rheen: Kunna och somblige uthskiæra former af
been, ther uthi the giuta sina teenbælten, baode foer mans och qvvinnos
<< prev. page << föreg. sida << >> nästa sida >> next page >>
