- Project Runeberg -  Joannis Schefferi Argentoratensis Lapponia id est, Regionis Lapponum et gentis nova et verissima descriptio /
258

(1673) Author: Johannes Schefferus
Table of Contents / Innehåll | << Previous | Next >>
  Project Runeberg | Catalog | Recent Changes | Donate | Comments? |   

Full resolution (JPEG) - On this page / på denna sida - Sidor ...

scanned image

<< prev. page << föreg. sida <<     >> nästa sida >> next page >>


Below is the raw OCR text from the above scanned image. Do you see an error? Proofread the page now!
Här nedan syns maskintolkade texten från faksimilbilden ovan. Ser du något fel? Korrekturläs sidan nu!

This page has been proofread at least once. (diff) (history)
Denna sida har korrekturlästs minst en gång. (skillnad) (historik)

personer. Hoc est: quidam quoque sciunt exsculpere modulos ex ossibus,
in quibus fundant cingula stannea, cum pro viris, tum pro mulieribus
.
Nec ad cultum singulorum modo, istis modulis utuntur, fed &
rerum aliarum, quas ornare stanno solent. Denique & ad glandes
plumbeas formandas, quibus onerari bombardas receptum est,
hoc utuntur adminiculo. Unde generatim de his omnibus Johannes
Tornæus: Fusilia, urgente necessitate, non ineleganter exequuntur.
Instrumenta lignea, quæ viri fabricant, & ipsa non ejusdem
generis, quippe variis laboribus servientia. Nam & culinaria sunt
quædam, quædam pastoritia, quædam ad venationes, quædam
ad itinera spectantia. De supellectile venatoria nominatim prædictus
Tornæus: Vtensilia & venatoria instrumenta ex ossibus ferarum
ingeniose fabricant, ornant
. Ubi non hoc dicit, esse instrumenta
illa ex ossibus, nam è lignis confici pleraque superius jam est
ostensum, verum ossibus ornari, modo scilicet, quo solent omnia
eorum utensilia, quod exemplo capsæ in superioribus ostensum est.
Dolia memoravit Zieglerus in verbis ante recitatis, quæ magis
cupæ sunt, aut ex caudice uno excavata vasa, qualia lintres & id
genus. Vascula corticea occurrunt apud Wexionium, potui
apponendo idonea. Neq; alia nunc addo, cum fere sint vulgaria. Hæc
omnia viri fabricare tenentur, quilibet in sua familia per se, edocti
non à magistris, sed parentibus suis, pro ingenii dexteritate. Quod
testatur Samuel Rheen: Lapparna læra icke naogot handvværck af
naogon mæstare, utan barnen vvarde af foerældrarne tillhaolldnè att
gioera saodant
. Hoc est: nullum opificium ab opificibus magistris,
Lappones discunt, sed parentes in his omnibus erudiunt filios suos
. Et
quia singuli sufficiunt artibus operibusque istis omnibus, propterea
& Andreas Buræus de ipsis. Sunt etiam agiles, atque
in manualibus artibus pro sua consuetudine solentes
.

<< prev. page << föreg. sida <<     >> nästa sida >> next page >>


Project Runeberg, Mon Dec 11 19:51:46 2023 (aronsson) (diff) (history) (download) << Previous Next >>
https://runeberg.org/sjlapponia/0282.html

Valid HTML 4.0! All our files are DRM-free