Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
certa negotia, nullis gravati sarcinis, tum volant cursu celerrimo.
Zieglerus: Assequitur viginti quator horarum spatio centum
quinquaginta millia passuum, sive schœnos triginta quod ipsum spatium dicunt
linguapatria, ter mutare horixontem, hoc est, ter contingere signum,
quod eminus extremum prospexerint. Miliaria viginti uno die
conficere ait Herberstenius. Eo vehiculi genere viginti miliaria se uno
die confecisse ait. Nempe Herberstenius de die naturali agit.
Zieglerus de civili viginti quatuor horarum. Quanquam fieri vix possit,
ut uno eodemq́; rangifero, tantum itineris continuo conficiatur,
cum ne viginti quidem miliaribus absolvendis sufficiat, nisi validissimus,
viisque optimis, nivibusque bene lubricis. Communiter duodecim,
quatuordecim, sedecim absolvere possunt miliaria spatio
decem circiter horarum. Et hoc iter est celerrimum, quod
conficit rangifer unus, uno & continuo cursu. Quod si duplicatur,
fit quidem, quod dicebat Zieglerus, ut spatio horarum viginti
quatuor dici possit miliaria triginta confecissee. Sed ut ajebam, fieri
vix potest, ut tanto tempore continuetur cursus rangiferi unius, sic
ut ipsi Lappones mihi confirmarunt. Et Olaus Petri. In tanta
perseverare celeritate, ut virum quempiam supra duodecim miliaria,
nulla intermixta quiete, una die trahere queat, falsum esse, est
compertum, & una die si id præstiterit, altera si non propediem moriatur,
necessum habet quiescere. Cursus hic similiter utrique sexui
communis, sciuntque non viri magis quam fœminæ hoc adminiculo per
nives iter suum promovere, quemadmodum & ex Olai Magni lib.
V. cap. 12. & multo magis ex nostrorum quoque temporum
experientia est notum. Nam Olaus quidem facit fœminas uti soleis in
venatione, quas ostendi jam exclusas esse à venationibus. Etsi
autem iis non venentur, tamen alia expediunt negotia, quotiens
necesse fuert. Quemadmodum & trahis, prorsus ad virorum
consuetudinem. Jam ut communi opera conficiunt itinera, viri juxta
fœminæque, item alia, quæ ad receptas ipsis pertinent migrationes, ita &
cum subsistunt, certo aliquo in loco per tempus, mutuo sibi sunt
auxilio in pascendis pecoribus, & exercenda piscatione. De rangiferis
est notissimum, quod curentur à viris juxta arque à fœminis
<< prev. page << föreg. sida << >> nästa sida >> next page >>
