Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
quod habeantur in pascuis, observentur, ad postremum etiam
emulgeantur. Samuel Rheen aperte, ubi loquitur de ratione, qua
utantur, cum emulgent: hvvilcket arbete goera mæn och qvvinnor,
unga och gambla. Hoc est: Quid negotium viri pariter ac fœminæ,
juvenes pariter ac senes expedire solent. Depiscatione quoque
certum est, non à viris coli magis, quam à fœminis, quæ sæpe quando
viri absunt, peregre per aliquot hebdomadas interdum, magno studio,
capiunt pisces, exenterant, exsiccant, & in hyemis necessitates
recondunt. Ratio laboris parum differt à consuetis alibi rationibus,
nam & nassas ponunt piscibus, & tendunt retia, & in sagenas
impellunt, & verriculis excipiunt. Ut ignorem, quid voluerit
Paulus Jovius, quando artem scripsit adhibere ineptam. Ineptis,
inquit, in Moscoviæ suæ descriptione, sed felicibus artificiis piscantur.
Nihil scio in piscatione Lapponum inepti. Et Olaus Petri: Piscandi
instrumenta nunquam audivi Lappos usurpare alia, quam ea, quæ
in consuetudine habentur. Nisi forte Paulus ita scripsit in respectu
ad hamos ipsorum, quos plerumque habent non ex ferro, sed ex
ligno. Paxillum bifurcatum ex juniperi ramo asperant in capite
ad modum hami, eum alligant funiculo, & revinciunt ad baculum,
atque ita cum baculo infigunt suis in flumine locis. Ita dum
affixam paxillo prædam captant pisces majores, nullo negocio
capiuntur. Baculos enim istiusmodi plurimos uno tempore habent
defixos in flumine. Id vero genus, quo ad arundinem aut perticam
longiorem setæ equinæ adminiculo revinctus hamus demittitur
in aquam, & si adhæserit piscis, ab hamiota educitur, ipsis penitus
ignotum est. Differt autem piscatio eorum pro diversitate anni.
Nam æstate verriculo fere piscantur, quod inter scaphas duas
habent protensum, ut in ambitum actis scaphis, pisces circumveniant;
& includant. Habent & ferramentum peculiare ad stipitem
instar hastæ firmatum, cujus species similis tridenti Neptuniæ, quem
& fuscinam appellant, nisi quod non tribus sola, sed & pluribus sit
armatum spiculis. Hoc ferramento transverberant lucios præsertim,
cum ad splendorem solis procedunt ex imo ad summa, &
conspiciendos sese præbent. Idem faciunt nocturno tempore,
<< prev. page << föreg. sida << >> nästa sida >> next page >>
