Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
tuguriis, non exiguo sæpe intervallo remotæ ab aliis, proinde
confabulatio cum aliis singulari eis est oblectamento. Samuel Rheen:
Inboerdes gæsta Lapparne hvvar andre ganska offta, ty theras tiid
foerdriif bestaor mæst ther uthinnan, att then eena, besoeker then
andra af flæcht och vvænner. Hoc est: Mutuo sese Lappones
frequenter solent invisere, omnis enim ratio fallendi temporis apud eos
consistit fere in eo, ut alter alterum ex cognatis & amicis visitet. In his
visitationibus præcipuum confabulationes sunt, quarum argumenta
res vulgares & quotidianæ, de valetudine, negociis suis, &
similibus. Nec est infrequens apud ipsos loqui de populis aliis,
quorum nomina vivendique rationes eis per commercia possunt esse
nota, eosque cegnomentis jocularibus, & similibus exagitare.
Quod peculiariter in ipsis observavit dictus scriptor: Nær tvvao,
eller tree komma tillsamman, suo kunna the ey annat, æn som foertala,
særdeles folck af andre nationer, gifvvandes them oeknampn eller
tillnampn. Hoc est: Quando duo tresve inter se congrediuntur, vix
possunt agere aliud, quam sermone alios traducere, præsertim gentis
diversaæ populos, quibus cognomenta per jocum varia imponunt.
Quidam tamen qui sunt locupletiores, eos, à quibus invisuntur,
excipiunt hilariori quoque ac instructiori mensa. Ideo is idem subdit
postea, quæ de visitationibus docuerat. Tao hvvar och een goer
sin fliit, att plæga siina gæstor af thet, the kunna komma till vvæga.
Hoc est: Tum quilibet dat operam, ut adventantes ad se bene excipiat,
iis omnibus quorum copiam potest habere. Præter istas visitationes
habent quoque ludos, quibus se sublectent, hyeme præsertim, ubi
tempore nonnullo vivunt non sic sparsi, ut per æstatem, sed
conjunctiores, & cum conveniunt in locis, ad judicia & fora rerum
venalium exercenda destinatis. Ludorum eorum aliqua ad solos
spectant viros juvenesque, aliqua viris juxta atque fœminis sunt
communia. Virorum juvenumque ludicrum est hujusmodi. Ducunt
in nive lineam, velut metam; post illam lineam spatio
nonnullorum passuum reponunt signum. Tum singuli ab
illo signo procurrunt ad metam, ad quam cum est ventum,
saltu, quam quisque potest, longissimo corpus suum
<< prev. page << föreg. sida << >> nästa sida >> next page >>
