Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
his more præmisso, per ignem celebratis, sponsam armelinis pellibus ac
Zabellenis ornatam, rangifero quasi domesticato cervo amicorum insigni
caterva, juxta germinis excellentiam comitatam, agnati imponunt, atque
ita in thalamium vel tentoria, mediantibus tripudiis, fœcunditatem &
sanitatem precantes, inducunt. Verum metuo, ne istæc hauserit ex
rumore vano. Nam rangiferis, ut equis, insidere homines, jam in
superioribus ostendi, falsum esse. Præterea nec docet, unde ducatur
sponsa. Ex tugurio parentum duci falsum est, quia in eo
omnia nuptiarum solennia & inchoantur, & finiuntur. Neque
thalamus est alibi, quam isto in turgurio. Ex alio duci non potest,
quia singulæ familiæ turguria habent sua, nec ut aliunde in thalamum,
quam ex laribus paternis ducatur, verisimile est. In quibus
ipsis cum sit thalamus, deductio erit supervacua & nulla. Interim
deductuntur hodie, sed in templum, vel ad sacerdotem, qui nuptias
debent celebrare sponsi sponsæque, ac deducuntur per rangiferos,
si iter fuerit longius, tempusque hybernum, vecti non ipsorum
tergo, sed adjunctis trahis. Cum ad templum ventum est, certus
incedentium observatur ordo. Primum ambulant viri, post fœminæ.
Dux virorum Lappo unus est, quem Automvvatze, hoc est,
præambulonem nominant, sequitur deinde sponsus, post eum
cæteri. Mulierum agmen ducunt virgines aliquot, sequitur sponsa in
medio viri ac fœminæ, post ipsam cæteræ mulieres. Illud observandum,
quod sponsa velut reluctans & contra nitens trahatur à duobus
istis ipsam comitantibus viro feminaque, velitque videri invita
venire ad matrimonium, eoque dolorem & mœstitiam vultu
quoque præ se ferat. Samuel Rheen: Tao thee gao kyrkian, gaar
een Lapp næst fram fœre brudgummen, then the kalla Automolma
eller fœrman, eller Autovvatze, en foeregaongare, sedan fœlia the
andre Lapparne efter. Næst fœr bruden gao naogre piiger, der efter
bruden, som gemenligen drages och slæpas af een mans och qvvinnas
person. Och seer bruden myckit sorgse och bedrœfvveligen uth,
stællandes sig, som hon intet gerna vvoro tillfredz, att in laota sig i naogot
æchtenskapp. Hoc est: Quando ingrediuntur templum, proxime
ante sponsum ambulat Lappo unus, quem vocant Automolma, sive
<< prev. page << föreg. sida << >> nästa sida >> next page >>
