Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
puellæ, hi enituntur in tectum tugurii, indeque demittunt fila cum
hamulis, ad quos religantur frusta carnis, & id genus, ut prædictus
ait, ita ipsi quoque sua convivii parte fruuntur. Finita cæna,
gratias agunt Deo, solita consuetudine. Idem: Nær the hafvva ætit,
tacka the Gud, och taga hvvar annan i hand. Hoc est: Postquam
comederunt, gratias agunt Deo, sibique mutuo porrigunt dextras.
Ultimum quo clauditur hæc lætitia convivii, est potus spiritus vini,
quem si possunt sibi comparare, tunc emunt. Idem: Sedan
begynna the att koepa brandevviin, foerst brudgummens, och sedan
brudens fœrældrar, och sedan hvvar fœr sigh, gœrandes sig saoledes
lustige och glade. Hoc est: Tandem incipiunt emere sibi spiritum vini,
primo sponsi, post sponsæ parentes, tum singuli prose, atque ita hilares se
faciunt. Sed hoc opulentiores saltem observant, & quibus emendi
occasio est ex præsentia eorum, qui has merces habent venales.
Cæteri oblectare se colloquiis consueveruntt. Nam quod de
citharœdis & saltationibus habet Olaus Magnus lib. IV, cap. 8. id
vero nihil est. Gens hæc, inquit, sub rigidissimo Septentrionis climate
alternate luce & tenebris habitans, instruit alacria convivia, citharœdis
accitis, ut convivantes hilariores, licet usu durissimarum dapium effecti,
excitentur ad saltum, quem vehementius citharœdo sonante ducentes,
veterumq; heroum ac gigantum præclara gesta patrio rhythmate & carmine,
quid scilicet gloras laudisq; virtute sua meruere, canentes, in gemitus
& alta suspiria, hinc luctus, & lachrymas, ac ululatum resoluti dimisso
ordine in terram ruunt. Si hæc de antiquis Suecis protulisset
Olaus, aliquid dixisset. At vero in Lapponibus, de quibus agit ibi,
hujus rei neque vola extat, nec vestigium. Citharœdos & in universum
musicam ignorant omnem, saltationes & choreas, tanquam res
ineptas, rident. Heroum vero ac gigantum res gestas adeo
tenent nullas, ut ignorent, quid ante annos centum gestum sit inter
ipsos, quod Olaus Matthiæ, gentis Lapponicæ studiosus mihi
pluribus confirmavit. Neque possum divinare, unde hoc habuerit
Olaus, cum præter ipsum extet nemo, quantum scio, qui vel uno
verbo mentionem harum rerum fecerit. Porro sic finitis nuptiis,
maritus novus fas non habet sumere uxorem suam, cum bonis
<< prev. page << föreg. sida << >> nästa sida >> next page >>
