Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
divortium ær bland Lapparna alldrig hœrt vvordet, hvvarken i hedendomen,
eller sœdan, uthan dhe hafvva altiid lafvvat usi sitt echtenstap
æhrligen och christligen. Hoc est: Polygamia & divortium nunquam
audita sunt inter Lapponas, neque tempore paganismi, neque post, sed
matrimonium honeste semper atque Christiane coluerunt. Priscis
tamen temporibus fortasse non omnino alieni erant saltem ab uxorum
suarum communione, quas permittebant advenis præsertim ac
hospitibus. Ita sane scribit Herberstenius, cujus verba recensebo
capite sequenti. Sed & recentius exemplum memorat Johannes
Tornæus, testimoniumque Lapponis cujusdam Luhlensis, quanquam
de ipsius fide dubitet. Apponam verba, sicut Latine sese habent:
Relatum mihi, quod temporibus Antecessoris mei ex Lapmarkia
Luhlensi Lappo quidam immodestus venerit in hospitium alterius in
Lapponia Tornensi, viri probi honestique, cum omni familia sus, qui legere
literas poterat, vitamque vivebat piam, unde & ab irrisoribus Zuan
Biskop, id est, Zuan Episcopus appellabatur. Is ergo Luhlensis postquam
factus esset à spiritu vini ebrius, tempore nocturno applicabat se uxori
hospitis sui spe illius stuprandæ. Sed quia simul aderant duo præfecti, qui
venalem habebant vini spiritum, is Zuan Biskop eos compellabat, ajebatque,
hic fœdas meditatur nuptias, eumque uxore mea quærit concumbere.
Vos, qui estis in Coronæ ministerio constituti, capite ac ligate ipsum.
Ita ipsi captum religant ad arborem, sinuntque tota nocte hyemali uri
frigoribus. Tandem cogebatur libertatem redimere pecunia Lulhensis ille,
qui loco excusationis addebat, hanc esse consuetudinem in markia
Luhlensi, ut si quis alterum inviset, is eum sinat concumbere cum uxore sua.
Hæc Tornæus, sed ut dubitet, sicut dixi, & potest homo alias
impurus sui excusandi causa istoc facile confinxisse. Nemo certe
alius in Luhlensibus hoc annotavit. Nam apud cæteros communio
illa ignoratur adeo, ut quidam ferre nequeant, si uxores suæ
viros alios adspiciant. Idem: Lappones versus Norvagiam ad flumen Tornæ
habitantes tam acres Zelotypi sunt, ut si mulier occurrat viro in via, &
paucorum verborum cum eo habeat colloquium, statim apud
ipsos incidet insuspicionem
pravam.
<< prev. page << föreg. sida << >> nästa sida >> next page >>
