Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
per quam & genus suum non parum auxerunt. Sed Olaum quidem
etiam ex aliis intelligimus rerum Lapponicarum haud satis fuisse
peritum. Tornæum vero suspicamur respexisse prima Lapponum
initia, quæ facit exigua, eaque comparasse cum hodierna
multitudine. Nam alias est certum, jam inde à Caroli IX.
temporibus, qui familias omnes per Lapponiam universam curavit
consignari describique, adeo se non amplificasse, ut potius familiæ aliquæ
defecerint. Liquetque idem ex Lapponibus passim per Sueciam
errantibus, quorum nemo reperitur, qui copia liberorum vel
mediocri sit instructus. Infœcunditatis ejus caussam Samuel Rheen
putat esse dheras svvaga spiis, i. e. cibum pravum eorum. Item, stoora
kiœld, i.e. frigus regionis summum , id quod arbitror verissimum.
Addit & iram divinam, quod ex eo colligit, quia licet neque bellis,
neque peste atterantur, regio tamen eorum nihilo fit populosior,
gensque Lapponum decrescat potius quotidie. Iræ autem ejus
causam censet esse pertinaciam gentis in retinenda veteri impietate.
Solent sane hodieq; non minus in puerperio, quam aliis in rebus,
de futuro esse solliciti, atque per superstitiosos ritus suos explorare,
Prima cura est de sexu. Postquam enim gravidam sentiunt uxorem,
puerumve editura sit, an puellam, isthoc modo sese posse discere
opinantur. Lunam statim considerant (putant enim lunę similem esse
gravidam, ut audiemus) si stella quædam posita fuerit supra lunam,
inde colligunt, partum fore sexus masculini, sin vero infra, sexus
contrarii. Samuel Rheen: The taga mærcke af maonen, vvid
hvvilcken the likna een hafvvande qvvinna. Om the nu see naogon
stierna stao nær œfvver maonen, ær ett tecken, det hustrun gaor med
piltebarn; staor naogon stierna nær under maonen, ær ett tecken, att
hustrungaor med piigobarn. Hoc est: Signum futuri capiunt ex
luna, cui comparant gravidam feminam. Si cernunt stellam aliquam
stare proxime supra lunam, signum est, puerum utero ferre. Si stare
proxime infra lunam, signum est, utero suo uxorem ferre filiam. Miror,
gravidam comparare lunæ. Ecquæ namque ratio similitudinis?
An quod lunæ instar crescat cum fœtu, eoque edito decrescat?
Magis suspicor has esse reliquias superstitionis paganicæ, quæ
<< prev. page << föreg. sida << >> nästa sida >> next page >>
