Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
lavant aqua frigida vel nivibus, donec spiritum ægre possit recipere:
Postquam cœpit respirare, denuo immittunt aquæ. Deinde quod
immittant aquæ mebra cætera, caput ante non abluant, quam infans
fuerit baptizatus. Samuel Rheen: Dhe vværma vvatnet i en kiettel,
i hvvilcken the sine barn nedersættia allt in till hufvvudet; men
intet vvatn vvillia the laota komma pao barns hufvvud foerr, æn thet
af præsten vvarder doept. Hoc est: Aquam calefaciunt in aheno,
in eo reponunt erecte infantem usque ad caput. In caput venire ullam
aquam nolunt, priusquam à sacerdote infans fuerit baptizatus.
Involvitur autem infans recens editus pro fasciis lineis, pelli leporinæ.
Buræus prædicto loco: Barnen lægga the sedan i haarskin. Hoc
est: Infantem postea (quando est ablutus) reponunt in pelle leporina.
Puerpera suum & peculiarem habet locum in tugurio, ubi decumbit,
donec convalescat. Is est prope januam à parte sinistra.
Causa non datur alia, quam quod eo loco minus frequenter alii
versentur. Samuel Rheen: Tao Lappe qvvinfolcken liggia i theras barns
suagheter, hafvva the ett særdeles rum i sine kottar eller koiier, vvid
doeren, och gemenligen pao thin vvænstra siidan, ther intet annat
folck then tyden synnerligen vvistas, hvvarest them blifvver
gifvvin then deel, the till sine fœdo hafvva skole. Hoc est: Quando
feminæ Lapponicæ decumbunt ex puerperio, peculiarem habent locum in
tuguriis seu tentoriis suis, juxta januam, & plerumque partem ejus
sinistram, ubi tum alii vix versantur, ibique ipsis præbetur, quod ad
sustentationem earum est necessarium. Quanquam hæc infrequentia sit
propter ipsam puerperam ibi decumbentem, ut ex verbis hisce
intelligitur. Sive eam frequentia sua nolint offendere, sive isto
tempore (quod magis suspicor) eam habeant pro parum munda.
Solent autem tempore brevissimo Lapponicæ mulieres decumbere
post partum, ac interea sollicitæ esse de Baptismo infantis.
Postquam enim diligentius instrui cœperunt in religione Christiana,
omnem impendunt operam, ut infantes suos citissime faciant
baptizari. Superioribus temporibus res aliter se habuit, plerique
sero & adulti baptizari solebant, quidam differebantur omni
tempore. De quo posteriori testis est Gustavus Primus in diplomate
<< prev. page << föreg. sida << >> nästa sida >> next page >>
