Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
ministerio ad opera varia constituerunt, nervos Lappo dentibus suis
admorsicat, qui cingunt genitale eorum, ut deinde vires nullas habeant
naturales. Cæteri, qui augendæ prolis gratia servantur integri,
Lapponibus dicuntur Servi. Numerus ipsorum non est tantus,
quantus feminarum, nam ad centum feminas vix viginti mares jungunt,
sicut idem testatur. Feminæ Lapponibus præstant lac, caseum,
& fœtum. Lac emulgent viri pariter ac feminæ, procumbentes
in genua, manuque altera tenentes vasculum ligneum, quo lac
excipiant, altera emulgentes. Solent autem emulgere modo liberas,
modo religatas ad palum. Fit hoc fere circa horam secundam vel
tertiam pomeridianam, nec nisi semel de die. Quicquid enim
post id tempus ad horas matutinas lactis habent, id servant vitulis
suis alendis. Solentque hæ uberius præbere lac, quam quæ vitulis
sunt destitutæ. Idem: The vvaiiar, hvvilkes kalf bortdae, eller
slachtade varda, molka icke sao miicket, som the, hvvilkas kalfvar
lefua. Hoc est: Earum ex rangiferis feminarum, quarum mortuus est
fœtus, aut mactatus, lac non æque copiosum præbent, ac quorum fœtus
est vivus. Porro maxima censura, qua ex una lac haberi potest,
stofa & dimidia Suecana, id est, paulo plus, quam pars quarta
canthari, quo ad Rhenum vulgo vinum solent metiri. Idem: Den
vagen som mæst molkar om sommartiid, han vara till ett halft stoop.
Hoc est. Femina pro lacte peribit plurimum in æstate, dat circiter
stofam dimidiam. Est autem lac rangiferorum natura sua crassum,
atque densum, itaque alit plurimum. Idem: Reenmiölck ær ganska
kræftig, och vvardertiock, som æggemieölck. Hoc est: Lac
rangiferorum vires habet copiosas, estque densum, ac si admixta ova
haberet. Ex hoc lacte plurimum alimenta sua capiunt Lappones, ut
alias est dictum. Quod non coquunt, ex eo caseum conficiunt.
Ratio conficiedi talis est, ut eam describit Samuel Rheen, cujus
verba Latine tantum apponam. Mulieres Lapponicæ primum lac
sinunt coagulari, deinde sic coagulatum pala hauriunt ex aheno, cumque
eo formulam implerunt unam, aliam ei imponunt, quam & ipsam implent
lacte coagulato, & huic rursum aliam pari modo, donec sex, vel
occto formulas impleverint, tum vertunt eas formulas, ut quæ ima
<< prev. page << föreg. sida << >> nästa sida >> next page >>
