Full resolution (JPEG)
- On this page / på denna sida
- Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
CAP XXIX.
De Quadrupedibus Lapponiæ Feris.
Interferas, quæ reperiuntur per Lapponiam, principatum
tenet Ursus, hunc quasi Regem esse volunt sylvarum. Samuel
Rheen Biornen: Biornen haolla Lapparna foer ett fornæmligit diur.
Kalla honom foer den skull skogbonda, thet ær, een saden, som ær een
huusbonde oefvver alle andre diur i skogen. Hoc est: Vrsum
Lappones pro fera præstanti habent; Ideoque vocant eum dominum sylvarum,
id est, eum qui sit herus omnium animalium reliquorum in sylvis.
Addit ibi causam, quod viribus ferociaque antecedat cæteras feras
omnes, vel, ut ipse loquitur, fster han med sin grymheet och starkheet the
andre diur ofvvergaohr. Numerus eorum non exiguus, alii aliis
truculentiores, præsertim illi, qui circa collum albo signantur
annulo seu torque, quales per Septentrionem non pauci occurrunt.
Lapponum infestant pecora, reconditorie, in quibus super arborem
succisam collocatis servant carnes, pisces, alia, ad victum
suum pertinentia, subvertunt, & sic dominum omnibus suis nocte
una privant alimentis, uti loco alio est dictum. Post ursos occurrunt
alces, quas & onagros vocat Olaus Magnus, quanquam alia onager
sit fera. Scaliger confudit cum rangiferis, & pro iisdem habui.
Ita enim scripsit Exerc. ccvi. Alce nostra pilo asinino est:
Ranger dicitur à Suecis, à quibusdam Gothis, Rangifer, à Germanis
Ellend, à Moschovitis lozzi. Inveni in quibusdam Commentariis, in
Norvagia Rehen appellari. Qui sint illi commentarii, in quibus
Scaliger hoc invenit, ignoro, illud scio certo certius, Norvagos alcem,
& quam Germani Ellend vocant, nunquam appellasse rehen, sed ælg,
estque hæc earum hodieque appellatio communis, per Septentrionem
omnem. Convenit Olaus Magnus, quando lib. XVIII. cap. 1.
<< prev. page << föreg. sida << >> nästa sida >> next page >>
Project Runeberg, Mon Dec 11 19:51:46 2023
(aronsson)
(diff)
(history)
(download)
<< Previous
Next >>
https://runeberg.org/sjlapponia/0360.html
