Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Alces sunt ab Aquilone, ubi vulgariter Elg, vel Elgar appellantur.
Neque aliter sentiendum de Moscovitarum Lozzi, quippe quæ sit
cadem cum Loß Lithuanorum, Herberstenius: Quæ fera Lithuanis
sua lingua loß est, eam Germani Ellend, quidam Latine Alcen vocant.
Loss ergo, Lozzi, ælg, Ellend, una eademque fera est, diversissima à
Rangifero, contra quam existimabat Scaliger,vel Rheen Norvigarium.
Nam magnitudine primum sua superat rangiferum non parum,
cum & equis par sit, iisq́; altissimis, deinde cornua habet
breviora, sed latissima, duorum & amplius palmorum latitudine, quæ
distinguuntur à fronte ac lateribus in digitos nec ita multos. Pedes
quoque non rotundos, sed longos, præsertim priores, ita ut his
pugnet acerrime, atque longis, & in acutum desinentibus ungulis
canes hominesve obvios pertundat. Neque magis convenit capite,
quod ei longiusculum est, cum labris magnis, crassis, propendentibusque.
Sed nec color ejus æque albet, sed per corpus totum
æqualiter vergit magis in obscurissime flavum, cum cinereo
permixtum. Jam quando ambulat, nullus crepitus articulorum
editur, quod fit in omnibus rangiferis. Deniq; quividit animal
utrumque, quod mihi contigit non semel, tantam intelligit diversitatem,
nt sit mirum, posse quenquam habere pro eodem. Cæterum has
alces parvo numero Lapponia nutrit, magisque aliunde accipit,
præcipue ex Lithuania; accipit tamen, unde per edictum
publicum Carolus Nonus pelles earum, si quæ occiduntur à Lapponibus,
fisco suo addixit, uti loco alio monstratum est. Olaus Petri sic de
alce. Alces in Laplandiæ australi duntaxat parte versantur, &
capiuntur maxima ex parte eo vel Lapporum insectatione, vel rusticorum
venatione adacti. In cæteris sunt vel rarissime, vel nunquam. Ex
Carelia tamen certum est, alces bis in anno in maxima copia per fluvium
Nivæ transire. Vere scilicet catervatim in Careliam tendunt, & autumno
rursus remeant in Rußiam. In Lapponia inveniuntur & cervi. Sam.
Rheen, enumerans feras præcipuas, quæ ibi occurrunt: I Lappemarken
finnes mongehanda slags diur, saosom uildreenar, biœrnar, Siorter,
vargar, jerfuar, bæfrar, ottrar, ræfuar, vvaordar, och ikornar. Hoc est:
In Lapponia varia species animantium reperiuntur, ut rangiferi
<< prev. page << föreg. sida << >> nästa sida >> next page >>
