Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
domesticas quidem habent neque has, neque ullas alias. Olaus
Petri. Aves domesticas habent nullas. Ubi domesticas vocat non
anseres modo, anates, columbas, & ejusmodi, sed & gallos gallinaceos,
& gallinas omnis generis, Lapponibus ignotas penitus.
Habent autem hoc peculiare aves feræe, quod in regiones has
septentrionis veniant ex locis Australibus, ibique struant nidos,
gignant prolem, pullosque alant, quod non faciunt tanta copia, &
tam frequenter locis aliis. Credo, quod minori quiete ac securitate
alibi versari possint, ac fortasse nec tam copiosum comparare
sibi victum, ut fit in Septentrione. Samuel Rheen. de cygnis.
The komme i en ganska stor miicken heeten vaortyden i fraon uæster
hafuet. Hoc est. Ingenti copia primo vere illuc veniunt à mari seu
oceano Germanico. Et de aquaticis in universum. The byggia ther om
somaren boo, værpœ, sine unger ut klæckia. Hoc est: Æstate ibi
nidificant, ponunt ova, & pullos excludunt suos. Idem pertinet &
ad upupas, quæ pari modo veniunt primo vere, pullosque suos excludunt.
Sic Olaus Petri de istis omnibus. Vernali tempore ea copia
accedunt, ut cœlum videantur operire, & ubi in itinere pernoctant,
vel alias escam quærunt, per dimidium miliaris audiuntur vociferantes.
Knyper esse puto de posteriori genere, nec alibi facile inveniri.
Caput & tergum habent nigrum, alas quoque partem maximam,
pectus venterque albent, rostrum rubrum est, prælongum, &
denticulatum, pedes breves, itidem rubræ, cum pellicula
inter digitos, ut habent aves aquaticæ omnes, species tota, qualis
hic subjicitur.
Pertinet hoc genus, quos omisit SamuelRheen, vulgo Loom
vocatæ, nisi existimamus genere communi avium aquaticarum
voluisse compræhendere. Tanta quippe copia earum & diversitas,
ut enarrari paucis nequeat. Pescribit avem Loom Olaus
Wormius in Musæo suo. Unde & pictura ejus potest peti.
Non est de genere anatum, quod ex rostro liquet, quod non latum,
<< prev. page << föreg. sida << >> nästa sida >> next page >>
