Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Salmonum piscatura reperitur, quam in Bothnico mari versus Lappones, e
quorum montibus & terris vastissima flumina dulcium aquarum descendunt:
contra quæ pulcherrimo spectaculo quasi milites micantibus
armis, sub solari æstu ascendere videntur Salmones, tauto præsertim
agmine, ut superiores montium aquæ prædam reservent piscatoribus suis.
Etiam Samuel Rheen primo loco eos memorat inter pisces, quos
alat Lapponia, dicitque fluvios asscendere, quasque possint,
descendere vero tempore Matthæi. Lax, inquit, kommer af stora hafvet,
och gaor alt opp till Lapmarcken sao laongt han kan komma, och nær
han icke længer fœr stora forsar upkomma kan, maoste han altsao om
hœsten vid Matthæi tyd vænda tilbaka. Hoc est: Salmo venit ex
mari, & adscendit in Lapponiam, quousque potest, & si longius nequit,
obstantibus cataractis magnis, vertit cursum suum circa autumnum
tempore Matthai, & descendit iterum. Solet autem, ut observat ipse,
descendens multo esse deterior, quam cum adscendit, quod videtur
evenire, partim quoniam exhaustus est labore, quem adhibuit
innitendo contra flumen, partim quoniam & debilitatus venere,
quam exercet in locis superioribus, & partibus fluviorum
remotioribus à mari, unde descendentem solum Lax appellant
Argentoratenses mei, quibus asscendens Salm est, quod tum vere sit Laß, id est,
lassus & fatigatus venere, alioque labore. De copia & multitudine
docent nonnihil ista Olai Petri c. 13. Retulit teloniarius ejus loci
(Tornæ) quodam anno exportatas esse mille trecentas tonnas.
Secundum genus piscium, quod in Lapponia occurrit, sunt lucii. Idem
Rheen. I desse sioar finnes giædder, stora och smao. Hoc est: In
his lacubus inveniuntur lucii magni & parvi. Olaus Magnus, sic
de ipsis, lib. XX. c. 8. Sunt lacus dulcium aquarum in montanis
Lappoponiæ CCCC. miliarium Italicorum longitudine, latitudine vero C. &
amplius, in quibus tanta est luporum aquatilium (quamvis & aliorum
piscium) copia, ut non solum alendis hominibus per quatuor amplissima
septentrionalia regna sufficiant, sed etiam latius, sale soloque siccati,
navigiis, velut lignorum magna strues, in amplam Germaniam vendendi
exportentur. Vocat lupos, qui Suecis sunt giæddor, nobis lucii,
pisces aquis dulcibus assueti, ac ubique notissimi, capite prælongo,
<< prev. page << föreg. sida << >> nästa sida >> next page >>
