Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
Hoc est: In lacubus sitis superius inter montes, tantum inveniuntur
rœding & œhrlax. An hoc genus alibi reperiatur, nec dum mihi
cognitum est. Prius sic describit dictus Rheen: Denna rœding
hafver sit nampdær af, att han hafuer een rœd purpurfærga under sin
buuk, och seer mycket vacker uth. Hoc est: Rœding hic nomen
suum habet ex eo, quod colore sit rubro & purpureo in ima parte ventris,
prorsusque pulcher videatur. Posterius convenit specie cum
Salmonibus, sed differt magnitudine, quia multo minus est, sunt, qui
habent pro Salmonibus necdum adultis, sed revellitur hæc sententia
ex eo, quia capiuntur pisces hi in lacubus, qui ad mare non
pertingunt, undiquaque etiam sunt clausi, nec Salmones habent ullo
tempore. Mallem ego referre ad tructas, quandoquidem externa
specie vix differunt, nisi quod tructarum carnes magis rubeant,
sintque molliores atque delicatiores. Præter hos & alii sunt
pisces plurimi in Lapponia, sed neglecti ac prope modum ignorati,
quia victui non serviunt. Quare ne nos quidem aliqua de ipsis
prodere valemus. Olaus Petri c. 13 nomina eorum, ambiguus
tamen incertusque, sic recenset. Salario, cobitis, barbatula, rubellis,
borbocha, oculata, prasinus, Cyprinus cobitis aculeata. Reptilia haud
multa in Lapponia occurrunt: Serpentes nulli, Zieglerus. Terra
serpentem non fert. Debet tamen hoc præcipue intelligi de
regione superiore, quæ est versus montes Norvagicos, nam in inferiori ac
sylvestri reperiuntur, licet nec ibi quidem multi admodum.
Samuel Rheen. Ormar æro icke synnerligen i Lappmarcken, uthan
allenast naogre fao neder i Skoglandt, doch finnes icke een op i fiællen.
Hoc est: Serpentes non reperiuntur multum in Lapponia, tantumque
pauci aliquot inferius in regione sylvestri; at superius versus montes ne
unicus quidem. Insecta quoque ibi non admodum frequentia,
Pulices penitus ignoti. Olaus Petri. c. 17. Pulicum molestia
prorsus carent. Sed sunt ibi culices, à quibus multa patiuntur incommoda.
Zieglerus; Culices ibi sunt grandes, & infesti. Olaus Magnus lib.
XXII. c. 5. Versus extremas Septentrionis terras & aquas maxima est
molestia grandiorum culicum, præsertim inpunctura fastidiosissimo sono.
<< prev. page << föreg. sida << >> nästa sida >> next page >>
