Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
una quidem arbor inveniatur, non tacendum. Johannes Tornæus.
Montes Fellici glabri existunt, nullaque arbore sati. Samuel Rheen,
cujus verba Suetica produxi alio loco: Montes plane sylvis
omnibus sunt destituti. Accidere hoc putat Petrus Claudi propter
vim continuam ventorum, sicut alibi ostendi. Sed fortassis caussa
verior est frigus perpetuum & intensissimum, præcipue in jugis
atque cacuminibus eorum montium. Proxima montibus consita
quidem sylvis, verum hoc discrimine, quod in prima regione non
nascantur, nisi meræ betulæ, quarum magnitudo & proceritas
notabilis, adspectuque latissima, cum sint à natura per ordines
pulcherrimos dispositæ, hortique speciem procul præbeant amœnissimi.
Samuel Rheen. Nædan fœr fiælle begynnes Skoglandet, och
nærmast fiællen ær ingen tall eller gran, uthan biorck, huilka vvæxa
stora och hœga, lyka, som the i een oertegard vvoro planterade. Hoc
est: In imo montium incipit regio sylvestris, sed in parte montibus
proxima nullæ nascuntur abietes, vel piceæ, verum betulæ, quæ fiunt magnæ
altæque, haud secus, ac si in horto satæ forent. At regio, quæ distet
longius à montibus, præter betulas fert & abietes, & piceas, estque
consita quasi nova quædam sylva, mixta & composita à triplici eo
genere arborum. Idem. Nedan fœr bioerkskogen finnes annan
skog och træ, som ær tall och græhnskog, med bioerckskog tillsamman,
does ær thet icke naogen fast, uthan loes skogh. Hoc est: Post
sylvam betulinam, reperitur alia ex abiete ac picea, junctisque betulis.
Non tamen densa ea sylva est, sed rara. Præter has i aliæ in
Lapponia rarissime inveniuntur. Frutices frequentiores sunt. Ribes
præcipue ibi proveniunt ingenti copia. Sam. Rheen: Opp in emoth
fiællen vvæxa skœna och stora vvynbær i stor imnogheet. Hoc est: In
superiori regione versus montes nascuntur ribes pulchræ magnæque
ingenti copia. Sed hæ prorsus negliguntur à Lapponibus, ut idem
indicat. Forte quod ingratioris sint saporis, cum baccis præsertim
nigris. Habent enim fruticem hunc non cum rubris tantum
acinis, sed & cum nigris, cujus copia longe major & frequentior
apud Lappones. Non minor apud eos frequentia juniperi, quæ
lætissime ibi nascitur, & surgit in altum. In Lapponia nascuntur
<< prev. page << föreg. sida << >> nästa sida >> next page >>
