Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
sprændas med krut. Hoc est: In illa fodina reperitur vena dives
plumbi, quæ facile potest elaborari, quia non est aura, sed ex lapide in
sabulum resolubili constat, eruiturque beneficio terebrarum, disjecta
pulvere nitroso. Sententia ipsius hæc est, solere montem aperiri non
scissum ferramentis malleoque, aut cuneis, sed terebris facto
foramine, cui deinde immittatur aliquantum pulveris nitrati.
Cumque foraminis os bene occlusum fuerit, per foramen aliud minutum
addatur ignis, qui vi pulveris saxa, quamvis durissima, disjiciat.
Mansit autem fodinæ hujus usus non ita longo tempore. Nam in
bello, quod gestum inter Suecos Danosque imperante Carolo
Gustavo Rege circa annum M DC LVIII. à quodam von Anen,
Regis Daniæ per Norvagiam Præfecto, disjectis operibus corrupta est
Idem: Nasafiæll ær afhands herren i Norige, Breben von Anen vid
sidste feigd foersstoert och ruineradt. h. e: Nasafiæll à Præfecto Regio per
Norvagiam, Breben von Anen, in bello ultimo dirutum & corruptum
est. Nec ex eo tempore ad hunc diem est inventus, qui sumptus
facere ad fodinæ illius repurgationem & culturam ulteriorem
vellet. Quia impendendi multi, priusquam fructus aliquis expectari,
vel haberi potest, quod difficile admodum est privatis. Secunda
argentifodina est in Lapmarkia Luhlensi. Kiedtkievari nomine.
Hæc reperta primum anno hujus sæculi sexagesimo, per quendam
Lapponem, Ionan Petri dictum, in Torpenjaur habitantem. Qua
de re sic Samuel Rheen. I Luleao Lappmarck trettiio tvao Svenska
mylar i fraon Luleao Sochn kyrckia, ær och eet soelfver streek A MDCLX.
benembt kicedkyvary, det ær steen fiæll, af een Lapp, Ion Pederson i
Torpenjaurby uppfunnit och uthvviisstt. Hoc est: In Lapponia Lublensi
triginta duobus miliaribus Sueticis à templo parœciæ Lublensis itidem
inventa est vena argenti A. MDCLX. Kiedtkiuari, hoc est, mons
saxeus dicta, per Lapponem quendam Ionam Petri in Torpenjaurby
degentem. Sita est, ut testatur idem, fere in pagi medio, qui Torpenjaur
vocatur, in præalto monte miliaribus duobus à jugo, quod
Sueciam dividit à Norvagia miliaribusque sex à Rœdstad,
pago Norvagæ, inter quod Rœdstad & Kiedtkievarri inter
positum est altissimum, & apud Lapponas celebratissimum jugum,
<< prev. page << föreg. sida << >> nästa sida >> next page >>
