Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has been proofread at least once.
(diff)
(history)
Denna sida har korrekturlästs minst en gång.
(skillnad)
(historik)
lapidem ærarium monstrante Erico Ericsonio cuidam, qui primus
eam manifestavit. Vena est pura, satisque dives, sed ad quam
nonnulla necessaria paulo difficilius subvehuntur. Alia est in
Lapmarchia eadem, distans à prædicta miliaribus fere tribus,
Septentrionem versus. Inventa circa annum M DC LXVIII. & ipsa à
quodam Lappone. Vena ejus minus bona propter admixtum
ferrum. Ideo non tanto studio excolitur, ut altera. Nomen ejus
est Wittangi. E fodinis hisce æs rude seu cuprum devehitur
navigiis ad Koengis officinam, ut cocttum fornacibus fiat purum. Post
defertur ad Torna. Occurrunt ibi & fodinæ ferri. Ac in
Lappmarkia Tornensi quidem una juncta est fodinæ cupri.
Svvappevahra dictæ, sic ut ex eodem monte una huc, altera illuc tendat.
Ferrum ibi reperitur optimum. Altera estin eadem markia,
Junesuando dicta, inventa circa annum hujus sæculi quadragesimum,
à Laurentio quodam ibi habitante. Distat autem à Tornensi
oppido miliaribus circiter viginti duobus, quo deportatur cusum
malleis in bracteas vel bacillos in officina Koengis, ubi & cuprum
crudum coquitur. Johannes Tornæus Præpositus Tornensis.
Ferrum in Lapponia Tornensi juxta Iunesuando nuper erutum, procul inde
in fabrili, Kengær in laminas excudendum, metallum sui generis
pretiosum, cujus tanta copia cernitur, ut nunquam defuturum putertur.
Quibus verbis simul liquet, venam esse præstantissimam. Metalli
ejusdem alia existit vena in Petzivvara, quod est in Lappmarkia
Luhlensi. Samuel Rheen: I fællen hittes och sao oefvermattan
skioent jern malm streek, Petzivvari benembt, een och een fiærdendeet myt
ofvan hylten Quikiock, ther malmen i een stoor ymnogheet af bemelte
siæll nederraasit hafver. Hoc est: In montibus Fullicis elegantissima
quoque venaferri reperitur. Petzivvarri nomine, uno miliari cum
illius parte quarta distans ab officina Quikioch, ubi lapides metallici
magna copia lapsi ex prædictis montibus. Cæterum ex his venis duæ
priores tantum excoluntur. In tertiam nemo adhuc, quantum
scio, sumptus facere sustinuit. His metalli varii venis accessit anno
superiori septuagesimo primo, quæ putata est continere aurum.
Sed de ea, quia nihil certi adhuc est compertum, dicere supersedeo.
<< prev. page << föreg. sida << >> nästa sida >> next page >>
