Full resolution (JPEG) - On this page / på denna sida - Sidor ...
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
1593 61
C.
Octava die martii, que Jovis erat, hora consueta in templo
cathedrali concionem habuit m:r Casparus ecclesie germ. Holm. publicus
concionator ediditque suam confessionem contra sacramentariorum dili-
rium, quod de sacra coena domini undiquaque hoc tempore exundat.
Qua hora octava finita ad locum prestitum redibant omnes ordines,
nobiles, episcopi, magistri, capitulares et communis clerus, et post in-
vocationem Spiritus sancti, qua semper matutinis horis omnis conventus
inchoari solebat et vespertinis horis rursus finiri per cantionem da
pacem domine etc., solo episcopo Aros. collectam semper subiun-
gente, coetum paucissimis interpellavit przes quandoquidem hesterna
vespera et superioribus diebus ceremonixe liturgice renuntiate sunt
unanimi omnium voce et ecclesia propter bonum ordinem ceremoniis
et certo modo actionis prorsus carere non potest in ministerii partibus
obeundis, quemnam igitur modum in posterum tuto existimarent appro-
bandum et imitandum? Respondebat clerus unanimiter: eum ipsum,
qui ab exordio restaurate doctrine traditus est in priori et veteri
liturgia per m:m Olaum Holmensem eiusque fratrem m:m Laurentium
seniorem a:ep. Upsal. Hoc responso preses facile acquievit. Et quo-
niam librum agendorum in manibus habebat, recensuit octo illa capita,
que ibi continentur, quesivitque ulterius, an quisquam in toto coetu
esset, qui aliquid haberet, quod ulla ratione culparet vel emendatum
cuperet in isthoc opere et actu? Cum omnes negarent et ille tamen
aliquorum tergiversationes cognitas haberet, percontando pergit: lubens
desidero quid aliqui statuant de prima huius libri parte ad baptismi
administrationem spectante et praecipue de peccatis actualibus in in-
fantibus, ubi verba sonant the synder, som thet sielf gjordt
hafver etc. Quzestione herente, ipse preses: particula hec, inquit,
inde accessit, quod primis et sequentibus seculis baptismus non solum
infantibus, verum etiam adultis contingebat. Deinde non ita facile de-
cerni potest, quo tempore actualis culpa sese exserere incipit in infanti-
bus, cum semper in illis videamus rebellionem et multa perversitatis
signa, ideo nec omnino ab actuali peccato excusari possunt. Hinc que-
situm fuit de exorcismo far här uth tu orene ande, an obsessos
putabimus infantes per malignum spiritum? Responsum est: non eo
modo obsessos, quo homines communiter obsessi dicuntur, sed tamen
certa ratione obsessos esse, nempe in diaboli captivitate detentos ma-
nere; igitur ad testificandam miseriam homini innatam ante gratiam
regenerationis et commemorandam eam gratiam, que per baptismi
usum contingit ex promissione et institutione Christi non immerito reti-
nendum esse exorcismum. In huius sententie adprobationem gravissimae
rationes recitabantur ex scriptis Nicolai Selnecceri.
His peractis in medium citatur Petrus Pauli rationem redditurus
sui scripti et su temeritatis in defendenda liturgia. Simul aderant
<< prev. page << föreg. sida << >> nästa sida >> next page >>
