Full resolution (JPEG) - On this page / på denna sida - Göran Stjernhjelm
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Satyrus.
Våga nu ved, Neptune, ligg bene tutus i Nessland!
Ingen giör tig thär någon harm, ligg sielf uthi Vijken.
Saturnus Boreus.
Fatidici fallunt, nam nostra potentia pontem
Struxerat in ponto, si quid modo creditis, alto,
Hellespontus erit nunc pons, nunc frigora cessent,
Donec contemptrix careat Neslandia Nascis,
Ex Suecis siccos discat contemnere gubbos,
Praecalidis Tivis gelidasque valere Triones.
Mars ad Saturnum.
Dum ferio spiculis, sub frigore contrahe pontum!
Namque tacent Hyades, nec stat nimbosus Orion,
Caprique Cornus adest Boreumque incursat Olympum.
Nec multum curo pluviosæ sydera lunae.
Inconstans hæc est, nostris quoque viribus impar.
Illa retro cancris reptantibus imperat, illa
Terrestris massa est, nec Cceli numine digna,
Nec quicquam valeat, dum nos jungamur in axe.
Infima luna latet, Satyris ea cognita tantum,
Coelicolis contra bene nota potentia nostra est,
Tu modo perge, Pater, conjuncta potentia major
Saturnus.
En tibi dextra, fides, tibi longum nota per ævum,
Cana tenaxque fides, nullis mutabilis Euris;
Ipsa licet rugosa manus defessa labore,
Non tamen ipsa fides tenuata senilibus annis.
Frigora promitto, sed amico et corde calenti,
Non quali iuvenes, dum fervet amoenior ætas:
Ignes despondent hodie, cras frigora reddunt; ,,
Frigora promitto, tibi frigora plurima solvam.
Jupiter discedit a Sole.
Ex virtute nova junctus cum Marte Saturnus,
Phoebe, licet vestris complexibus auferor ægre,
Sic tamen hora iubet, ne nos iungamur in axe,
Nec possunt Satyri blandos sibi fingere soles.
I procul ad Nilum, Neptunia Regna relinque,
Ne furore tuo Cancri quoque signa rubescant.
<< prev. page << föreg. sida << >> nästa sida >> next page >>
