Full resolution (JPEG) - On this page / på denna sida - Johan Columbus
<< prev. page << föreg. sida << >> nästa sida >> next page >>
Below is the raw OCR text
from the above scanned image.
Do you see an error? Proofread the page now!
Här nedan syns maskintolkade texten från faksimilbilden ovan.
Ser du något fel? Korrekturläs sidan nu!
This page has never been proofread. / Denna sida har aldrig korrekturlästs.
Conflet et ignivoma mutet fornace recocta
Dura faber serris curvisque ligonibus arma.
Parcite, mortales, (ita pax mitissima fari
Fertur, ut ad medios vittatam tendit olivam)
Parcite tot furiis animos stimulare nocentes!
Abstulerant vobis nimium vindicta dolorque
Sanguinis, et tetricæ tenet omnia mortis imago.
Quo tantam lucem rationis et ignea coeli
Semina, consilii tantas in pectore vires,
Si tamen ambiguus vitam rapit impetus omnem,
Juraque dispensat gladiis et robore Mavors?
Stringite, si certum est vi cernere, ruris in hostes
-Inque feras ferrum, quæ vos populantur et agri
Ditis opes rapiunt! Homini bonitate fideque
Certet homo, socientque suas in mutua dextras
Commoda nec scelerum et ducentis in aspera belli
Tristia praecipites auctoramenta sequantur.
Sed quid ago? Quidve hæc nil profectura recanto?
Tu mentes vix dum tepidas pollentior adfla,
Frater Amor, religaque tuis, dulcissime, vinclis!
Ni facias, non ulla pati satis otia discent,
Sed tenera emisso scindetur gratia telo.
Sic dea: sic lenes intorquens altius alas,
Magna poli soboles, Charitum pia flamma novarum:
Hia quidem mecum revolans molimina dudum
Exigo et innocuo quid possim vulnere verso.
Te pariter sociam coeptis, soror altera, tantis
Poscimus et nostris jungendas viribus artes.
Tu modo si faveas, Clementia dia, paratis
Omnia consiliis dederint se prona, nec ullas
Noverit aula moras, quam nunc monitisque manuque
Pax sapiens placat. Promissum servat amorem
Nil mutatum annis, medio nil marte tepentem,
Hle suæ vindex patriæ, virtute parentem
Magnanimum referens et regni laude tenendi,
Carolus, exemplum cunctis venerabile seclis.
Nec minus in pacta sinceram principe mentem
Sensimus et thalamis sacros regalibus ignes.
Quin etiam, medio necis armorumque tumultu
Scit pacis menimisse suæ, scit amore benigno
Jam Sueonas fecisse suos, ordirier ante
Reginam meritis, quam jure toroque mariti.
I: 21.
<< prev. page << föreg. sida << >> nästa sida >> next page >>
